କଟିଲା ରବି ଶାସ୍ତ୍ରୀଙ୍କ ପତ୍ତା । ଭାଷ୍ୟକାର ତାଲିକାରୁ ପଡିଲେ ବାଦ୍ । ବିସିସିଆଇ ଆଗାମୀ ଭାରତ ଓ ଓ୍ୱେଷ୍ଟ ଇଣ୍ଡିଜ ସିରିଜ ପାଇଁ ଜାରି କରିଥିବା ଭାଷ୍ୟକାର ତାଲିକାରେ ରବି ଶାସ୍ତ୍ରୀଙ୍କ ନାଁ ନାହିଁ । ଯାହାକୁ ନେଇ ଚର୍ଚ୍ଚା ଜୋର୍ ଧରିଛି ।ତେବେ ରିପୋର୍ଟ ଅନୁସାରେ, ଶାସ୍ତ୍ରୀ ନିଜେ ଭାଷ୍ୟକାର ତାଲିକାରୁ ଦୂରେଇବା ପାଇଁ ଚାହିଁଥିଲେ ବୋଲି କୁହାଯାଇଛି । କିଛି ସମୟ ପାଇଁ ସେ ବ୍ୟସ୍ତ ରହିବେ ବୋଲି ସେ ସୂଚନା ଦେଇଥିଲେ ।
ସୂଚନାଯୋଗ୍ୟ, ରବି ଶାସ୍ତ୍ରୀ ନିକଟରେ ବିସିସିଆଇ ଓ କିଛି ଖେଳାଳିଙ୍କୁ ନେଇ ବୟାନ ଦେଇଥିଲେ । ଯାହାକୁ ନେଇ ବିବାଦ ବଢିଥିଲା । ଏପରିକି ଦଳର ନେତୃତ୍ୱକୁ ନେଇ ମଧ୍ୟ ପ୍ରଶ୍ନ କରିଥିଲେ । ବିରାଟ କୋହଲି ଦିନିକିଆ ଅଧିନାୟକ ପଦରୁ ବିଦା ହେଲା ପରେ ରବି ଶାସ୍ତ୍ରୀ ଲଗାତର ଭାବେ ବିବାଦୀୟ ମନ୍ତବ୍ୟ ଦେଇ ଆସୁଛନ୍ତି
