ପୋଲସରା : ଗାଁ ରାସ୍ତାରେ ସାଙ୍କୁରା ଜିଆରଏସଙ୍କୁ ଛୁରାମାଡ । ବୁଗୁଡା ଥାନା କଳମ୍ବ-ଅନ୍ତରପଡା ରାସ୍ତାରେ ଛୁରାମାଡ । ଜିଆରଏସଙ୍କ ଗୋଡରେ ବାଜିଛି ଛୁରୀ , ମେଡିକାଲରେ ଭର୍ତ୍ତି ହୋଇଥିବା ବେଳେ ତାଙ୍କର ମୃତ୍ୟୁ ଘଟିଛି । ତାଙ୍କ ନାଁ ସୁକାନ୍ତ ପାଣିଗ୍ରାହୀ ଓ ଘର କଳମ୍ବ ଗାଁ ବୋଲି ଜଣାପଡିଛି। ସୁକାନ୍ତ ବୁଗୁଡ଼ା ବ୍ଲକର ଏ.କରଡ଼ାବାଡ଼ି ଓ ଶଙ୍କୁରୁ ପଞ୍ଚାୟତରେ ଜିଆରଏସ ଭାବେ କାର୍ୟ୍ୟ କରୁଥିଲେ। ଛୁରାମାଡ଼ ପରେ ସୁକାନ୍ତଙ୍କୁ ପ୍ରଥମେ ବୁଗୁଡ଼ା ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। କିନ୍ତୁ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବ୍ରହ୍ମପୁରକୁ ସ୍ଥାନାନ୍ତର କରାଯାଉଥିଲା । କିନ୍ତୁ ରାସ୍ତାରେ ସୁକାନ୍ତଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଅଧାବାଟରେ ପୋଲସରା ମେଡ଼ିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
