ଇରାକ : ହଷ୍ଟେଲରେ ଲାଗିଲା ନିଆଁ । ଇରାକର ଏରାବିଲ ସ୍ଥିତ ଏକ ୟୁନିଭରସିଟିରେ ନିଆଁ ଲାଗିବାରୁ ୧୪ ଜଣଙ୍କର ମୃତ୍ୟୁ ହୋଇଛି । ଏହି ଘଟଣାରେ ୧୮ ଜଣ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଅଧିକାଂଶ ଛାତ୍ର ଥିବା ଜଣାପଡିଛି । ଖବର ପାଇ ତୁରନ୍ତ ପୁଲିସ୍ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। କୁର୍ଦ୍ଦିସ୍ତାନ ଅଞ୍ଚଳରେ ଏରାବିଲ ପ୍ରାନ୍ତରେ ସୋରନ ସହରରେ ଶୁକ୍ରବାର ରାତିରେ ନିଆଁ ଲାଗିବା ଯୋଗୁଁ ଏଭଳି ଅଘଟଣ ଘଟିଛି ।
ଖବର ମୁତାବକ, କୁର୍ଦ୍ଦିସ୍ତାନ ଅଞ୍ଚଳରେ ଏରାବିଲ ଏକ ବିଶ୍ୱବିଦ୍ୟାଳୟ ହଷ୍ଟେଲରେ ଭୟଙ୍କର ନିଆଁ ଲାଗି ଯାଇଥିଲା । ୟୁନିଭରସିଟିରେ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଜଣାପଡିଛି । ନିଆଁ ୟୁନିଭରସିଟିର ତୃତୀୟ ଏବଂ ଚତୁର୍ଥ ମହଲାରେ ନିଆଁ ଲାଗିଯାଇଥିଲା । ଏହି ବିଲିଡିଂରେ ଛାତ୍ର ଏବଂ ଶିକ୍ଷକ ରହୁଥିଲେ । ନିଆଁ ଚାହୁଁ ଚାହୁଁ ବିଲିଡିଂର ଚାରିଆଡେ ଲାଗିଯାଇଥିଲା । ତେବେ ପ୍ରାରମ୍ଭିକ ଯାଞ୍ଚରୁ ନିଆଁ ସର୍ଟ ସର୍କିଟରୁ ଲାଗିଥିବା ଜଣାପଡିଛି । ୧୪ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ସେମାନଙ୍କ ମୃତଦେହଗୁଡ଼ିକୁ ଉଦ୍ଧାର କରାଯାଇ ବ୍ୟବଚ୍ଛେଦ ନିମନ୍ତେ ପଠାଯାଇଛି।
