ମଦ ବ୍ୟବସାୟୀଙ୍କ ଘରେ ଆଜି ବି ଆୟକର ଟିମର ରେଡ । ବଲାଙ୍ଗିରରେ ତୃତୀୟ ଦିନରେ ଆୟକର ଟିମର ରେଡ । ସୁଦପଡା ଓ ଟିଟିଲାଗଡରେ ମଦ ବ୍ୟବସାୟୀଙ୍କ ଘରେ ରେଡ୍ । ବର୍ତ୍ତମାନ ସୁଦ୍ଧା ୨୦ କୋଟି ଟଙ୍କା ଗଣତି ହୋଇଥିବା ସୂଚନା । ୧୫୬ଟି ଟଙ୍କା ଭର୍ତ୍ତି ବ୍ୟାଗ ଗଣତି ହୋଇଥିବା ସୂଚନା । ଟଙ୍କା ଗଣିବା ପାଇଁ ଭୁବନେଶ୍ୱରରୁ ବଲାଙ୍ଗିରକୁ ଯାଉଛି ୩ଟି ମେସିନ୍ । ଜବତ ଟଙ୍କା ମଧ୍ୟରେ ୧୦୦ ଟଙ୍କିଆ, ୨୦୦ ଟଙ୍କିଆ, ୫୦୦ ଟଙ୍କିଆ ରହିଛି । କେବଳ ଟଙ୍କା ନୁହେଁ ବିଭିନ୍ନ ସ୍ଥାନରୁ ସୁନା ଗହଣା ଓ ସୁନା ବିସ୍କୁଟ ଜବତ ହୋଇଛି । ଟଙ୍କା ଗଣତି ସରିନଥିବାରୁ ସୁନା ଗହଣାର ହିସାବ ଆରମ୍ଭ ହୋଇନାହିଁ । ଏତେ ପରିମାଣର ଟଙ୍କା ସବୁ କେଉଁଠୁ ଆସିଲା, ତାକୁ ନେଇ ଖୋଳତାଡ଼ କରୁଛି ଆୟକର ବିଭାଗ । ସେପଟେ ଅଧିକ ତଦନ୍ତ ପାଇଁ ପ୍ରବର୍ତନ ନିର୍ଦ୍ଦେଶାଳୟ ଏଂଟ୍ରି ମାରିପାରେ । ଯଦି ଇଡି ହାତକୁ ତଦନ୍ତଭାର ଦିଆଯାଏ, ତାହେଲେ ନେତାଙ୍କ ପାଇଁ ଚିନ୍ତା ବଢ଼ିଯିବ । କାରଣ ଏଥିରେ ନେତାଙ୍କ ସଂପୃକ୍ତି ଅଛି କି ନାହିଁ, ତା’ର ତଦନ୍ତ ହୋଇପାରେ । ସେପଟେ ଆୟକର ବିଭାଗ ଟଙ୍କା ସବୁ ୧୫୬ଟି ବ୍ୟାଗ୍ ଏବଂ କିଛି ବସ୍ତାରେ ଟ୍ରକରେ ଲୋଡ୍ କରି ନେଇଛି । ଆଉ ସବୁ ଟଙ୍କାକୁ ଗଣିବା ପାଇଁ ଆହୁରି ଦୁଇରୁ ତିନି ଦିନ ଲାଗିପାରେ ବୋଲି କୁହାଯାଉଛି ।
