ଭୁବନେଶ୍ୱର : ମଦ ବ୍ୟବସାୟୀଙ୍କ ଘରେ ଆଜି ବି ଆୟକର ଟିମର ଚଢାଉ । ଭୁବନେଶ୍ୱର, ବଲାଙ୍ଗିର, ରାଉରକେଲା, ବୈାଦ୍ଧରେ ରେଡ । ବଲାଙ୍ଗିର ସୁଦପଡାରେ ଆୟକର ଟିମର ଚଢାଉ । ଟିଟିଲାଗଡ ନେହେରୁ ନଗରସ୍ଥିତ ୨ଟି ଘରେ ରେଡ । ସମ୍ବଲପୁର ଧନୁପାଲିର ଏକ ଦେଶୀ ମଦ ଭାଟିରେ ରେଡ । ଆୟକର ଫାଙ୍କି ଅଭିଯୋଗରେ ୬ଟି ସ୍ଥାନରେ ଆଇଟିର ଚଢାଉ । ତେବେ ଏ ସଂପର୍କରେ ଆୟକର ବିଭାଗ ପକ୍ଷରୁ କିଛି କୁହାଯାଇନାହିଁ । ଚଢ଼ାଉ ବେଳେ ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଜାବତ ହୋଇଛି । ବୌଦ୍ଧ ରାମ୍ଭିକଟା ଗାଁ ନିକଟରେ ଥିବା ଡିଷ୍ଟିଲେରି ପ୍ରାଇଭେଟ୍ ଲିମିଟେଡ୍ ସଂସ୍ଥା ଉପରେ ଚଢାଉରେ ୧୨ ଟି ଟିମ୍ ସାମିଲ ଥିଲେ । ସେହିପରି ରାୟଗଡ଼ା ସହରର ଗାନ୍ଧିନଗର ଠାରେ ମଦ ବେପାରୀଙ୍କ ଘରେ ଓ ଅଫିସରେ ଆୟକର ବିଭାଗ ଚଢାଉ ହୋଇଥିଲା । ସେହିପରି ପୁରୁଣା କଟକର ବ୍ୟବସାୟୀ ଅଶୋକ କୁମାର ଅଗ୍ରୱାଲଙ୍କ ରାଣୀସତୀ ରାଇସ ମିଲ, ବାସଭବନ ଓ ବିଭିନ୍ନ ସ୍ଥାନରେ ଆୟକର ବିଭାଗ ଅଧିକାରୀ ଚଢାଉ କରିଛନ୍ତି ।
କୋଲକାତା ଓ ରାଞ୍ଚିରେ ମଧ୍ୟ ଚଢ଼ାଉ ହୋଇଥିବା ସୂଚନା ମିଳିଛି । ସଂସ୍ଥାର ଅଫିସ, ନିର୍ଦ୍ଦେଶକ ଓ ଏମ୍ ଡିଙ୍କ ଘରେ ରେଡ୍ କରିଛନ୍ତି ଆୟକର ବିଭାଗର ଅଧିକାରୀ । ଦୀର୍ଘଦିନ ହେବ କମ୍ପାନୀ ବିଭିନ୍ନ ଉପାୟରେ ଆୟକର ଫାଙ୍କିବା ଅଭିଯୋଗ ହେଇଥିଲା ।
