ରାୟଗଡ଼ା : ରାୟଗଡ଼ା ପୌର ପରିଷଦ ୱାର୍ଡ ନମ୍ୱର ବାସୀ ନିର୍ମାଣଧିନ ପେଟ୍ରୋଲ ପମ୍ପ ବନ୍ଦ୍ କରାଯାଉ ସ୍ଲୋଗାନ ଦେଇ ରାୟଗଡା ପୌରପାଳିକା କାର୍ୟ୍ୟାଳୟ ଘେରାଉ କରିଥିଲେ । ଉକ୍ତ ଅଞ୍ଚଳ ବାସିନ୍ଦା ମାନଙ୍କ କହିବା ଅନୁସାରେ ଯେଉଁଠାରେ ପେଟ୍ରୋଲ ପମ୍ପ ନିର୍ମାଣ ପାଇଁ ସ୍ଥାନ ନିରୂପଣ କରାଯାଇଛି ଉକ୍ତ ସ୍ଥାନ ନିକଟରେ ବିଦ୍ୟାଳୟ ଅଛି ଛୋଟ ଛୋଟ ପିଲା ମାନେ ପାଠ ପଢ଼ୁଛନ୍ତି । ଅନ୍ୟ ପାର୍ଶ୍ଵରେ ମଧ୍ୟ ଭାଟି ଓ ବସ୍ତି ଅଛି । ପେଟ୍ରୋଲ ପମ୍ପ ଦ୍ବାରା ଯେ କୌଣଷି ମୁହୂର୍ତ୍ତ ରେ ଦୁର୍ଘଟଣା ଘଟି ପାରୋ ଯଦି ଘଟେ ତେବେ ବିଦ୍ୟାଳୟର କୁନି କୁନି ପିଲା ଓ ବସ୍ତି ବାସିନ୍ଦା ମାନେ ପ୍ରଭାବିତ ହୋଇ ପାରନ୍ତି। ସେଥିପାଇଁ ଚେକାଗୁଡ଼ା ବସ୍ତି ବାସିନ୍ଦା ମାନେ ନିର୍ମାଣ ହେବା ପୂର୍ବରୁ ଜାଗୃତ ହୋଇ ପେଟ୍ରୋଲ ପମ୍ପ ନିର୍ମାଣକୁ ବିରୋଧ କରିଥିଲେ। ଗତକାଲି ବସ୍ତି ବାସିନ୍ଦା ଓ ନିର୍ମାଣଧିନ ପେଟ୍ରୋଲ ପମ୍ପ ମାଲିକଙ୍କ ସହ ସାମାନ୍ୟ ବଚସା ହୋଇଥିଲା ପେଟ୍ରୋଲ ପମ୍ପ ମାଲିକ ଜାତିଆଣ ଗାଳି ଗୁଲଜ କରି ପୋଲିସ ଥାନାରେ ଏତଲା ଦେଇଛନ୍ତି । ଉତ୍ତ୍ୟକ୍ତ ଶହ ଶହ ବସ୍ତି ବାସିନ୍ଦା ମାନେ ରାୟଗଡା ପୌରପାଳିକା କାଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ନିର୍ବାହୀ ଯନ୍ତ୍ରୀଙ୍କୁ ଏକ ଅଭିଯୋଗ ପତ୍ର ପ୍ରଦାନ କରିଥିଲେ ଓ ତୁରନ୍ତ ଆବଶ୍ୟକ ପଦକ୍ଷେପ ନେବା ପାଇଁ ଅନୁରୋଧ କରିଥିଲେ।
