ମୟୁରଭଞ୍ଜ : ପଶ୍ଚିମବଙ୍ଗ ଭାୟା ବାଲେଶ୍ୱର ଦେଇ ମୟୁରଭଞ୍ଜରେ ଗାଁ କୁ ଗାଁ ବୁଲି ବିକ୍ରି ହେଉଛି ଗୋ ମାଂସ । ରୋହିଙ୍ଗିଆ ବାଂଲାଦେଶୀଙ୍କ ନଜରରେ ଏବେ ମୟୁରଭଞ୍ଜର ଆଦିବାସୀ ଜନଜାତି । ପୋଲିସ ପ୍ରଶାସନ ସାଜିଛି ନିରବ ଦ୍ରଷ୍ଟା । ମୟୁରଭଞ୍ଜ ଭଳି ଏକ ଆଦିବାସୀ ଅଧ୍ୟୁଷିତ ଅଞ୍ଚଳରେ ଧର୍ମାନ୍ତୀକରଣ, ଗୋ ମାଂସ ଚାଲାଣ ତଥା ହିନ୍ଦୁ ଧର୍ମକୁ ନଷ୍ଟ କରିବାର ଏକ ବ୍ୟାଧି ଭଳି ବ୍ୟାପି ବାରେ ଲାଗିଛି । ରାଜ୍ୟ ସରକାର ବାଂଲାଦେଶୀ ଶରଣାର୍ଥୀଙ୍କ ଉପରେ ରୋକ ନ ଲଗାଇଲେ ଆଗକୁ ଏ ଘଟଣା ବଡ ରୂପ ନେଇପାରେ ।
ସୂଚନା ମୁତାବକ ମୟୁରଭଞ୍ଜ ଜିଲ୍ଲା କୁଳିଅଣା ଥାନା ଅନ୍ତର୍ଗତ ପଳାଶବଣି ଗାଁରେ ଜଣେ ମୁସଲମାନ ସମ୍ପ୍ରଦାୟର ଯୁବକ ଯାହାଙ୍କ ଘର ପଶ୍ଚିମବଙ୍ଗର ବୋଲି ପ୍ରାଥମିକ ସୂଚନା ମିଳିଛି । ଉକ୍ତ ଯୁବକ ଜଣକ ସେହି ଗାଁରେ ଜନଜାତି ପରିବାର ଓ କିଛି ସାଧାରଣ ଲୋକଙ୍କୁ ଖାସି ମାଂସ କହି ଗୋ ମାଂସ ବିକ୍ରି କରି ଆସୁଥିଲାା ତେବେ ଏ ବାବଦରେ ବିଶ୍ୱ ହିନ୍ଦୁ ପରିଷଦର କର୍ମକର୍ତ୍ତା ମାନେ ଜାଣିବା ପରେ ଗୋ ମାଂସ ସମେତ ଯୁବକକୁ ଧରି ପୋଲିସକୁ ଜିମା ଦେଇଥିଲେ । ତେବେ ପ୍ରଶ୍ନ ଉଠୁଛି ଏଇ ଭଳି କାଣ୍ଡ ଘଟାଇବା ପଛରେ ରହିଛି କାହାର ଷୋଡଯନ୍ତ୍ର ? କେମିତି ଜାଣିପାରୁ ନାହାନ୍ତି ପୋଲିସ ଓ ପ୍ରଶାସନିକ ଅଧିକାରୀ । ଏ ନେଇ ଏକ ବଡ଼ ପ୍ରଶ୍ନ ବାଚୀ ସୃଷ୍ଟି ହୋଇଛି ।
