କେନ୍ଦ୍ରାପଡା : ଚଳନ୍ତା ବସରେ ଅଗ୍ନିକାଣ୍ଡ । କୋଲକାତାରୁ ପାରାଦୀପ ଆସୁଥିବା ବସରେ ଲାଗିଲା ନିଆଁ । ଏନଏଚରେ ଖଡଗପୁରର ମାଝପୁର ନିକଟରେ ଅଚାନକ ଲାଗିଲା ନିଆଁ । ଓଡିଶାର ଜଣେ ମହିଳା ମୃତ । ମୃତ ମହିଳା କେନ୍ଦ୍ରାପଡା ଇଚ୍ଛାପୁର ନିକଟ ନୋଳିଆ ଗାଁର ପୁଷ୍ପାଞ୍ଜଳୀ । ତାଙ୍କ ସ୍ୱାମୀ କୋଲକତାରେ ଚାକିରି କରିଥିଲେ । ମହିଳାଜଣକ କୋଲକତାରେ ରହୁଥିବା ବେଳେ ଦୀପାବଳି ପାଇଁ ନିଜ ସ୍ୱାମୀ ଓ ପୁଅଙ୍କ ସହ ଘରକୁ ଯାଉଥିବା ବେଳେ ଏହି ଅଗ୍ନିକାଣ୍ଡରେ ସମ୍ପୂର୍ଣ୍ଣ ଜଳି ଯାଇଛନ୍ତି।ବସରେ ମୋଟ ୩୮ ଜଣ ଯାତ୍ରୀ ଥିବା ବେଳେ ଓଙ୍ଗିଶାରୁ ଥିଲେ ୨୫ । କେନ୍ଦ୍ରାପଡାର ୧୬, ପାରାଦୀପର ୨, ଯାଜପୁରର ୭ ଯାତ୍ରୀ ଥିଲେ । ସୂଚନା ଅନୁସାରେ ଗତକାଲି ରାତି ପ୍ରାୟ ସାଢେ ୯ଟା ସମୟରେ କୋଲକାତାରୁ ପାରାଦୀପ ଆସୁଥିବା ଶିବମ ବସ ଖଡ଼ଗପୁର ଡେବ୍ରା ମାଧପୁର ଠାରେ ନିଆଁ ଲାଗି ଜଳିଯାଇଥିଲା ଯାତ୍ରୀବାହୀ ବସ । ନିଆଁ ଲାଗିବା ପରେ କିଛି ଯାତ୍ରୀ ବସ୍ର ଝରକା କାଚ ଭାଙ୍ଗି ବାହାରକୁ ଡେଇଁପଡ଼ିଥିଲେ। ୩୬ ଜଣ ଯାତ୍ରୀଙ୍କୁ ଉଦ୍ଧାର କରାଯାଇ ଚିକିତ୍ସା ପରେ ଛାଡ଼ିଦିଆ ଯାଇଛି।
