ଭୁବନେଶ୍ୱର : ଭୁବନେଶ୍ୱରରେ ରୋଞ୍ଜରୋଭର ଦୁର୍ଘଟଣାରେ ଗୁରୁତର ଯୁବତୀଙ୍କ ମୃତୁ୍ୟ । କଟକର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଯୁବତୀଙ୍କ ମୃତ୍ୟୁ । ଗତ ୩୧ ତାରିଖରେ ପାୱାର ହାଉସ ଛଳରେ ଦୁର୍ଘଟଣା ହୋଇଥିଲା । ଦୁଇ ବାଇକ ଆରୋହୀଙ୍କୁ ଧକ୍କା ଦେଇଥିଲା ଦାମୀ ରେଂଜରୋଭର କାର୍ ।ଜଣେ ଅବସରପ୍ରାପ୍ତ ଯବାନ ଓ ଜଣେ ଯୁବତୀ ଗୁରୁତର । ଯବାନଙ୍କ ଭୁବନେଶ୍ୱର ଓ ଯୁବତୀଙ୍କ କଟକରେ ଚିକିତ୍ସା ଚାଲିଥିଲା ।
ଦାମୀ ରେଂଜରୋଭର ଗାଡିକୁ ନେଇ ମଧ୍ୟ ଅନେକ ପ୍ରଶ୍ନ ଉଠିଥିଲା । ଗାଡି ଟି କାହାର ଓ ସେଥିରେ କିଏ ଥିଲେ ଏହାକୁ ନେଇ ଉଠିଥିଲା ପ୍ରଶ୍ନ । ଗାଡିଟି ଏକ ଘରୋଇ କଂପାନୀ ନାଁରେ ରେଜିଷ୍ଟ୍ରୀ ହୋଇଥିଲା । ସଂପୃକ୍ତ ଘରୋଇ କଂପାନୀର ନିଦେ୍ର୍ଦଶକ ଥିଲେ ବିଶାଳ ଦାସ । ପୂର୍ବତନ ମନ୍ତ୍ରୀ ନବ ଦାସଙ୍କ ପୁଅ ବିଶାଳ ଉକ୍ତ କମ୍ପାନୀର ନିଦେ୍ର୍ଦଶ ଥିଲେ ।
ସେପଟେ ଏହି ଦୁର୍ଘଟଣାର ତଦନ୍ତ କୁ ନେଇ ପ୍ରଶ୍ନ କରିଛନ୍ତି ମୃତ ଯୁବତୀଙ୍କ ଭାଇ । ପୂର୍ବତନ ମନ୍ତ୍ରୀଙ୍କ ପୁଅ ସମ୍ପୃକ୍ତ ଥିବାରୁ ପୋଲିସ କିଛି କରନି କହିଲେ । ପୋଲିସ ଲୁଚାଇବାକୁ ଚେଷ୍ଟା କରୁଛି ବୋଲି କହିଛନ୍ତି ମୃତ ଯୁବତୀଙ୍କ ଭାଇ । ପ୍ରଥମେ ଗୋଟିଏ ଗାଡି ନମ୍ବର କହିଲେ ପରେ ଆଉ ଗୋଟିଏ କହିଲେ । ତଦନ୍ତ ଯେଭଳି ଚାଲିଛି , ପୋଲିସ ଠାରୁ କିଛି ଆଶା ନାହିଁ । ଆମକୁ ନ୍ୟାୟ ଦରକାର ପୋଲିସକୁ ଦଣ୍ଡ ମିଳୁ କହିଲେ ଯୁବତୀଙ୍କ ଭାଇ ।
