ରାୟଗଡା : ଛାତ୍ରୀ ଦୁଷ୍କର୍ମ ମାମଲାରୁ ପୋଡାଜଳା ଘଟଣା । ଦୁଷ୍କର୍ମ ଘଟଣାରେ ୩୦ ଅଟକ । ଦୁଷ୍କର୍ମ କରିବା ଅଭିଯୋଗରେ ସ୍କୁଲ ପିଅନ ସସପେଣ୍ଡ । ସ୍ଥିତି ନିୟନ୍ତ୍ରଣ ସତ୍ତ୍ୱେ ଏବେ ବି ପୋଲିସ ମୁତୟନ । ଘଟଣାକୁ ନେଇ ଉତ୍ତେଜନା ପରେ ପୋଲିସ ଗାଡି ଜାଳି ଦେଇଥିଲେ । ପିଅନ ଶିବ ପ୍ରସାଦ ମିଶ୍ରଙ୍କ ସମେତ ୬ ଜଣଙ୍କୁ ପୋଲିସ ଅଟକ ରଖିଛି। ଅଭିଯୁକ୍ତଙ୍କ ଡାକ୍ତରୀ ପରୀକ୍ଷା ସହିତ ପୋଲିସ ୧୬୪ ବୟାନ ପାଇଁ ରାୟଗଡ଼ା ଅଣାଯାଇଛି। ରାୟଗଡା ଏସଡିପିଓ ତଦନ୍ତକୁ ଜୋରଦାର କରିଛନ୍ତି । ପୀଡ଼ିତାଙ୍କ ସ୍ଵସ୍ଥ୍ୱାବସ୍ଥାରେ ଉନ୍ନତି ପରିଲିଖିତ ହୋଇଛି । ଆଜି ପୀଡ଼ିତାଙ୍କ ଡାକ୍ତରୀ ମାଇନା ହେବ। ଛାତ୍ରୀଙ୍କୁ ପିଅନ ଦୁଷ୍କର୍ମ କରିଥିବା ଅଭିଯୋଗ ପରେ ସେଠାରେ ଉତ୍ତେଜନା ଦେଖା ଦେଇଥିଲା । ପୋଲିସ ଗାଡ଼ି ଜାଳିଦେଇଛନ୍ତି ସ୍ଥାନୀୟ ଲୋକ । ଫଳରେ ପୋଲିସକୁ ଲାଠିଚାର୍ଜ କରିବାକୁ ପଡ଼ିଛି । ଗ୍ରାମରେ ଏବେ ବି ଉତ୍ତେଜନା ଲାଗି ରହିଛି। ଡଂଗାସିଲ ଫାଣ୍ଡିକୁ ଗ୍ରାମବାସୀ ଘେରାଉ କରି ରାସ୍ତାରେ ଟାୟାର ଜାଳି ପ୍ରତିବାଦ କରୁଛନ୍ତି। ଶହ ଶହ ଲୋକ ଡଂଗାସିଲ ଗ୍ରାମରେ ଏକତ୍ର ହୋଇ ପୋଲିସର ଏହି କାର୍ୟ୍ୟାନୁଷ୍ଠାନକୁ ବିରୋଧ କରୁଛନ୍ତି।
