ଭୁବନେଶ୍ୱର : ସୈାମ୍ୟ ପଟ୍ଟନାୟକଙ୍କୁ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କ ଟାର୍ଗେଟ । ଅରୁଣ ସାହୁଙ୍କ ପରେ ଟାର୍ଗେଟ କଲେ ମନ୍ତ୍ରୀ ଅତନୁ ସବ୍ୟସାଚୀ । ସୈାମ୍ୟଙ୍କ ବୟାନକୁ ଦଳ ବିରୋଧୀ କାର୍ଯ୍ୟ କହିଲେ ଅତନୁ । ଦଳକୁ, ମୁଖ୍ୟମନ୍ତ୍ରୀଙ୍କ ଦପ୍ତରକୁ ଟାର୍ଗେଟ କରି ବାରମ୍ବାର ଲେଖୁଛନ୍ତି । ଏହା ଆଦୈା ଗ୍ରହଣୀୟ ନୁହେଁ କହିଲେ ଅତନୁ ସବ୍ୟସାଚୀ । ସାଧାରଣ ଲୋକେ ଏହାକୁ ଗ୍ରହଣ କରିବେନି । ଦଳରେ ରହି ବ୍ଲାକମେଲିଂ କରିବାକୁ ପ୍ରୟାସ କରୁଛନ୍ତି ସୈାମ୍ୟ । ବ୍ଲାକମେଲିଂକୁ ଆୟୁଧ କରି ଲକ୍ଷ୍ୟରେ ପହଁଚିପାରିବେନି ସୈାମ୍ୟ । । ସୈାମ୍ୟ କଣ ଓ କେତେଥର ଦଳ ବଦଳାଇଛନ୍ତି ସମସ୍ତେ ଜାଣିଛନ୍ତି । ମୁଖ୍ୟମନ୍ତ୍ରୀଙ୍କ ନିଦେ୍ର୍ଦଶରେ ମୁଖ୍ୟମନ୍ତ୍ରୀଙ୍କ ଦପ୍ତର ସାରା ରାଜ୍ୟ ଗସ୍ତ କଲା । ଲୋକଙ୍କ ଅଭିଯୋଗ ସମାଧାନ ହେଲା , ଏଥିରେ ଅସୁବିଧା କଣ । କାର୍ଯ୍ୟାନୁଷ୍ଠାନ ନିଆଯିବ ନା ନାହିଁ ଦଳର ସଭାପତି ନିଷ୍ପତ୍ତି ନେବେ ।
ତେବେ ଗତ କିଛି ଦିନ ଧରି ଦଳ ବିରୋଧୀ କାର୍ଯା ପାଇଁ ସୈାମ୍ୟ ଏବେ ଅଡୁଆରେ ପଡିଛନ୍ତି । ଦଳକୁ ସମର୍ଥନ ନ କରି ବିରୋଧ କରୁଥିବା ଦେଖାଯାଉଛି । ବିଜେଡି ଦଳର ବିଧାୟକ ହୋଇ ମଧ୍ୟ ସେ ଏବେ ଦଳ ବିରୋଧୀ କାର୍ଯ୍ୟ କରିବା ତାଙ୍କ ପାଇଁ ମହଙ୍ଗା ହେବାରେ ଲାଗିଛି । ଦଳ ତାଙ୍କ ପାଇଁ କି କାର୍ଯ୍ୟାନୁଷ୍ଠାନ ନେବ କି ନାହିଁ ତାହା ତ ସମୟ କହିବ , କିନ୍ତୁ ଏହା ତାଙ୍କୁ ଅଡୁଆରେ ପକାଇବ ବୋଲି ସାଧାରଣରେ ଚର୍ଚ୍ଚା ହେଉଛି ।
