ଭୁବନେଶ୍ୱର: ବୃଦ୍ଧି ହେଲା ସରକାରୀ ଚାକିରି ପାଇଁ ଆବେଦନର ବୟସ ସୀମା । ରାଜ୍ୟ କ୍ୟାବିନେଟ୍ ଏକ ଗୁରୁତ୍ୱପୂର୍ଣ୍ଣ ବୈଠକ କରି ଏହି ନିସ୍ପତ୍ତି ନେଇଛନ୍ତି । ରାଜ୍ୟରେ ସରକାରୀ ଚାକିରି ପାଇଁ ଆବେଦନକାରୀଙ୍କ ବୟସ ସୀମା ୩୨ ବଦଳରେ ଏବେ ୩୮ କୁ ବୃଦ୍ଧ କରାଯାଇଛି । ତେବେ ୨୦୨୧, ୨୦୨୨ ଓ ୨୦୨୪ ମସିହାରେ ହେବାକୁ ଥିବା ରାଜ୍ୟ ସରକାରଙ୍କ ନିଯୁକ୍ତି ପ୍ରକ୍ରିୟା ପାଇଁ ୩ ବର୍ଷ ସମୟ ସୀମାକୁ କୋହଳ କରାଯାଇଛି । ଏଥିରେ ଅନୁସୂଚିତ ଜାତି, ଜନଜାତି ଓ ଏସ୍ଇବିସିଙ୍କ ପାଇଁ ୩୪ ବର୍ଷ ବୟସ ସୀମା ଧାର୍ଯ୍ୟ କରାଯାଇଥିବା ବେଳେ, ମହିଳା ବର୍ଗର ପ୍ରାର୍ଥୀଙ୍କ ପାଇଁ ଆହୁରି ୫ ବର୍ଷ ବୃଦ୍ଧି କରାଯାଇଛି ବୋଲି ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।
