ପୁରୀ : ୭ ଦିନ ଧରି ନିଖୋଜ ଥିଲେ ମହିଳା । ଶେଷରେ ଘର ପାଖ ନାଳରୁ ମିଳିଲା ମୃତ ଦେହ । ମହିଳା ନିଖୋଜ ହେବା ପରେ ବଢିଥିଲା ସନେ୍ଦହ । ଯାହାକୁ ନେଇ ଥାନାରେ ଲିଖିତ ଅଭିଯୋଗ କରିଥିଲେ ସ୍ୱାମୀ କିନ୍ତୁ ପୋଲିସ କରିନାହିଁ ତଦନ୍ତ । ହଁ ଦର୍ଶକ ବନ୍ଧୁ ପୁରୀ ଜିଲ୍ଲା ବଳଙ୍ଗା ଥାନା ବଡତୋଟା ଗାଁରେ ଘଟିଛି ଏଭଳି ଘଟଣା । ବଡତୋଟା ଗାଁର ନିରଞ୍ଜନ ମହାପାତ୍ରଙ୍କ ସ୍ତ୍ରୀ ମମତା ମହାପାତ୍ର ଗତ ୧୧ ତାରିଖ ମଧ୍ୟ ରାତ୍ରୀରୁ ନିଖୋଜ ହୋଇଯାଇଥିଲେ । ଏହା ପରେ ସ୍ୱାମୀ ନିରଞ୍ଜନ ବଳଙ୍ଗା ଥାନାରେ ଅଭିଯୋଗ କରିଥିଲେ । କିନ୍ତୁ ଅଭିଯୋଗର ୭ ଦିନ ଅର୍ଥାତ ୧୮ ତାରିଖ ଦିନ ଗୋଟେ ରେ ଘର ପାଖ ନାଳରୁ ମିଳିଥିଲା ମମତାଙ୍କ ମୃତଦେହ । ମମତାଙ୍କ ଶବ ମିଳିଥିବା ବେଳେ ମୁଣ୍ଡରେ ନ ଥିଲା ଚୁଟି । ତେବେ ଏଠି ପ୍ରଶ୍ନ ଉଠୁଛି , କୈାଣସି କାରଣ ନ ଥାଇ ମଧ୍ୟ ରାତିରୁ କିପରି ନିଖୋଜ ହେଲେ ମମତା ? ଅଭିଯୋଗ ପରେ ପୋଲିସ କାହିଁକି କଲା ନାହିଁ ତଦନ୍ତ ? ନିଖୋଜ ହୋଇଥିବା ମମତାଙ୍କ ଶବ ଘର ପାଖ ନାଳରୁ ମିଳିଲା କିପରି ? ତେବେ ସ୍ୱାମୀ ନିରଞ୍ଜନ ଏହାକୁ ଆତ୍ମହତ୍ୟା କହୁଥିବା ବେଳେ ଗ୍ରାମବାସୀ ଏହାକୁ ବିରୋଧ କରିଛନ୍ତି । ଗ୍ରାମବାସୀଙ୍କ କହିବା ମୁତାବକ ହେି ପରିବାରରୁ ଆଗରୁ ମଧ୍ୟ ୫ ଜଣଙ୍କ ମୃତ୍ୟୁ ହୋଇଛି । ସେଥିରେ ମଧ୍ୟ କୈାଣସି ସଠିକ ଘଟଣା ଜଣାପଡିନାହିଁ । ଏହା ଆତ୍ମହତ୍ୟା ନୁହେଁ ହତ୍ୟା ବୋଲି ଦାବି କରିଛନ୍ତି ଗ୍ରାମବାସୀ ।
