ଜଗତସିଂହପୁର : ପାଖେଇ ଆସୁଛି ରାକ୍ଷୀ ପୂର୍ଣ୍ଣିମା । ଏ ନେଇ ଗାଁ ଠୁ ନେଇ ସହର ସବୁଠି ଚଳଚଂଚଳ । ଗାଁ ଠୁ ନେଇ ସହର ସବୁଠି ଏବେ ରାକ୍ଷୀ ଦୋକାନ ହେଲାଣି । ବିଭିନ୍ନ ପ୍ରକାର ଡିଜାଇନର ରାକ୍ଷୀ ଏବେ ଦୋକାନରେ ବିକ୍ରି ହେଉଛି । କିନ୍ତୁ ଆମେ ଏବେ ଆପଣଙ୍କୁ ଯେଉଁ ଭିଜୁଆଲ ଦେଖାଉଛୁ ଏ ହେଉଛି ମିଶନ ଶକ୍ତି ମହିଳାଙ୍କ ନିଆରା ରାକ୍ଷୀ ସମ୍ଭାର । ଜଗତସିଂହପୁର ପୈାରପରିଷଦ କାର୍ଯ୍ୟାଳୟ ସାମ୍ନାରେ ଏହି ରାକ୍ଷୀ ଷ୍ଟଲ ରହିଛି । ଏହି ନିଆରା ରାକ୍ଷୀ ସମ୍ଭାରକୁ ଉଦଘାଟନ କରିଛନ୍ତି ଜିଲ୍ଲାପାଳ ପାରୁଲ ପଟୱାରି । ପ୍ରଥମେ ପ୍ରଦୀପ ପ୍ରଜ୍ୟୋଳନ କରି ଶ୍ରୀଫଳ ଭାଙ୍ଗି ମିଶନ ଶକ୍ତି ମା ମାନଙ୍କର ଶୁଭ ମନାସି ଥିଲେ । ଓରମାସ ତରଫରୁ ମିଶନ ଶକ୍ତି ର ଶିବଶକ୍ତି କାଇଁଚ ପ୍ରଡକ୍ଟ ଗ୍ରୁପ, ଓ ପ୍ରଗତି କାଇଁଚ ଉତ୍ପାଦକ ଗୋଷ୍ଠୀ, ପ୍ରମୁଖ ଭାଗନେଇ ବିଭିନ୍ନ ଡିଜାଇନ ର କାଇଁଚ ରେ ତିଆରି ହୋଇଥିବା କୋଡିଏ ରୁ ପଚିଶ ପ୍ରକାର ଡିଜାଇନର ରାକ୍ଷୀ ଆଣି ଏକ ଷ୍ଟଲ କରାଯାଇଛି । ଏ ନେଇ ଜିଲ୍ଲାପାଳ ନିଜ ବକ୍ତବ୍ୟରେ କହିଛନ୍ତି ମିଶନ ଶକ୍ତି ମହିଳା ମାନେ କିପରି ନିଜକୁ ସ୍ୱାବଲମ୍ବି ହୋଇପାରିବେ । ଏହାକୁ ନଜରରେ ରଖି ମିଶନ ଶକ୍ତି ଦ୍ଵାରା ଏହି ମହିଳା ମାନଙ୍କୁ ଏହି ରାକ୍ଷୀ କାର୍ୟ୍ୟ ଦିଆଯାଇଛି । ଭବିଷ୍ୟତ ରେ ମିଶନ ଶକ୍ତି ମା ମାନେ କିପରି ଆଗକୁ ଗତିକରି ନିଜେ କିଛି ରୋଜଗାର କରି ନିଜ ଗୋଡ଼ରେ ନିଜେ ଠିଆ ହୋଇ ପାରିବେ ସେଥିପାଇଁ ଏ ପ୍ରୟାସ ଜାରି ରହିବ ବୋଲି କହିଥିଲେ ।
