ଭଦ୍ରକ: ଓବିସିଙ୍କୁ ସରକ୍ଷଣ ଦେବାରେ ସରକାର ଚାଲବାଜି କରିଥିବା ଅଭିଯୋଗରେ ଆଜି ଭଦ୍ରକ ଜିଲ୍ଳାପାଳଙ୍କ କାର୍ଯ୍ୟାଳୟ ଆଗରେ ବିଜେପି କର୍ମୀ ହଟ୍ଟଗୋଳ କରିଛନ୍ତି । ଏଥି ସହ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିବାକୁ ଚେଷ୍ଟା କରିଥିଲେ । ସେହି ସମୟରେ ପୋଲିସ ବିଜେପି କର୍ମୀ ମାନଙ୍କୁ ପ୍ରତିରୋଧ କରିଥିଲା । ଫଳରେ ପୋଲିସ ଓ ବିଜେପି କର୍ମୀ ମୁହାଁମୁହିଁ ହୋଇଥିବା ଦେଖିବାକୁ ମିଳିଛି । କିଛି ସଂଖ୍ୟାରେ ବିଜେପି କର୍ମୀ ଜିଲ୍ଲାପାଳଙ୍କ କାର୍ଯ୍ୟାଳୟ ମଧ୍ୟକୁ ପ୍ରବେଶ କରି ଭଙ୍ଗାରୁଜା କରିଥିବା ଦେଖିବାକୁ ମିଳିଛି ।
ତେବେ ଲୋକଙ୍କ ମଧ୍ୟରେ ଜନ ଆକ୍ରୋଶ ପ୍ରବଳ ରହିଛି । ମମିତା ମେହେର ହତ୍ୟା ଘଟଣା ପରେ ସାରା ଓଡ଼ିଶାରେ ବିଜେଡି ସର୍ଭେ କରି ପରଖିଛିି । ଯାହାକି ସଂମ୍ପୂର୍ଣ୍ଣ ଭାବେ ଏ ଜନମତ ବିଜେଡି ବିରୋଧରେ ରହିଛି ବୋଲି ବିରୋଧୀ ଦଳ ଉପନେତା ବିଷ୍ଣୁଚରଣ ସେଠୀ କହିଛନ୍ତି ।
ସୂଚନାନୁଯାୟୀ, ଆସନ୍ତା ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ସିଟ୍ ସଂରକ୍ଷଣକୁ ନେଇ ଆପତ୍ତି ଉଠାଇଥିଲା ପଶ୍ଚିମ ଓଡ଼ିଶା ଆଦିବାସୀ କଲ୍ୟାଣ ସଂଘ । ସେହି ସିଟ୍ ସଂରକ୍ଷଣରେ ଆଦିବାସୀଙ୍କୁ ଅଣଦେଖା କରିଥିବା ଅଭିଯୋଗ କରି ଏହି ଆନ୍ଦୋଳନ ଡାକରା ଦେଇଥିଲା ସଂଘ ।
