ନୂଆଦିଲ୍ଲୀ : ରୁଷର ଗୁପ୍ତ ସେବା ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ହତ୍ୟା କରିବାର ଷଡଯନ୍ତ୍ରକୁ ଖଣ୍ଡନ କରିଛି। ଖବର ଅନୁଯାୟୀ, ତାଙ୍କୁ ହତ୍ୟା କରିବା ପାଇଁ ଏକ ଷଡଯନ୍ତ୍ର ମସ୍କୋରେ ଥିବା ଏକ ବ୍ରିଜ ଉପରେ ହୋଇଥିବା ଅଭିଯୋଗ ହୋଇଥିଲା। ଗଣମାଧ୍ୟମ ରିପୋର୍ଟ ଅନୁଯାୟୀ, ପୁଟିନଙ୍କ କନଭୋ ଦେଇ ଯିବାକୁ ଥିବା ରାସ୍ତା ମଝିରେ ପଡ଼ିଥିବା ନଦୀ ସେତୁ ତଳେ ବିସ୍ଫୋରକ ସାମଗ୍ରୀ ରଖାଯାଇଥିଲା। ରୁଷର ବରିଷ୍ଠ ଅଧିକାରୀଙ୍କ ସୁରକ୍ଷା ପାଇଁ ଦାୟୀ ଫେଡେରାଲ୍ ପ୍ରୋଟେକ୍ସନ୍ ସର୍ଭିସ (ଏଫଏସଓ) ଅନୁଯାୟୀ, ବ୍ରିଜକୁ ବିସ୍ଫୋରଣ କରିବାର ଷଡଯନ୍ତ୍ର ରଚାଯାଇଛି। ଟେଲିଗ୍ରାମ ଚ୍ୟାନେଲ ଅନୁଯାୟୀ ପୁଟିନଙ୍କ ଯିବା ରାସ୍ତାର ବ୍ରିଜ ତଳେ ବୋମା ରଖିବାର ସମ୍ଭାବନା ରହିଥିଲା।
ଏହି ସେତୁ ମସ୍କୋ ଏବଂ କ୍ରେମଲିନ୍ ବାହାରେ ଅବସ୍ଥିତ ଏବଂ ପୁଟିନଙ୍କ ସରକାରୀ ବାସଭବନକୁ ଯିବା ବାଟରେ ଏହା ପଡିବ । ଫେଡେରାଲ ପ୍ରୋଟେକସନ ସର୍ଭିସ ବ୍ରିଜ ତଳେ ଥିବା ଏକ ସନ୍ଦେହଜନକ ଡଙ୍ଗା ବିଷୟରେ ସୂଚନା ପାଇଥିଲା, ଯାହା ସାହାଯ୍ୟରେ ମସ୍କୋ ନଦୀ ତଳ ଭାଗରେ ଲଗାଯାଇଥିବା ବୋମା ମାଧ୍ୟମରେ ପୁଟିନଙ୍କୁ ହତ୍ୟା କରିବା ପାଇଁ ଯୋଜନା କରାଯାଇଥିଲା। ଏଫଏସଓ ଏହାର ଅନୁସନ୍ଧାନ କରୁଥିଲା ।
ପ୍ରକୃତରେ, ବ୍ରିଜ ତଳେ ଏକ ସନ୍ଦେହଜନକ ଡଙ୍ଗାର ଉପସ୍ଥିତି ବିଷୟରେ ସୁରକ୍ଷା ଏଜେନ୍ସି ଅଧିକାରୀ ସୂଚନା ଦେଇଥିଲେ, ଯାହା ଆଧାରରେ ଏଜେନ୍ସି ସକ୍ରିୟ ହୋଇଥିଲା। ଖବର ଅନୁଯାୟୀ ବ୍ରିଜ ତଳେ ଥିବା ସନ୍ଦେହଜନକ ଡଙ୍ଗାକୁ ହଟାଇବା ପାଇଁ ଡାଇଭରମାନେ ମଧ୍ୟ ସେଠାକୁ ଓହ୍ଲାଉଥିବାର ଦେଖାଯାଇଥିଲା। ତେବେ ସୁରକ୍ଷା ଏଜେନ୍ସି ଡଙ୍ଗା ଯାଞ୍ଚ କରିବା ପରେ ସେମାନେ ସେତୁ ମରାମତି କରୁଥିବା ଜଣାପଡିଛି। ଏଥିସହ ସେଠାରେ କୈାଣସି ପ୍ରକାରର ବସ୍ କିମ୍ବା ବିସ୍ଫୋରକ ସାମଗ୍ରୀ ମିଳିବାର ଖବର ନିଶ୍ଚିତ ହୋଇନାହିଁ। ତେବେ କିଛି ଗଣମାଧ୍ୟମ ରିପୋର୍ଟରେ ପୁଟିନଙ୍କୁ ହତ୍ୟା କରିବାର ଷଡଯନ୍ତ୍ର ବୋଲି ବର୍ଣ୍ଣନା କରାଯାଇଛି।
