ନୂଆଦିଲ୍ଲୀ : ଟିକେ ଆପଣ ଭାବନ୍ତ ୁତ ନଦୀ ଅଛି ଯେଉଁଠାରେ ଜଳ ନାହିଁ, ତେବେ ଏହି ନଦୀର କ’ଣ ହେବ ତାହା । ଆପଣ ଜାଣି ଆଶ୍ଚର୍ୟ୍ୟ ହେବେ ଯେ ଦୁନିଆରେ ଏକ ନଦୀ ଅଛି ଯେଉଁଥିରେ କେବଳ ପଥର ରହିଥାଏ । ବାସ୍ତବରେ ଏହି ନଦୀ ରୁଷରେ ଅଛି । ଏହି ନଦୀରେ ଗୋଟିଏ ବୁନ୍ଦା ପାଣି ମଧ୍ୟ ନାହିଁ। ଏଠାରେ କେବଳ ପଥର ଦୃଶ୍ୟମାନ ହୁଏ । ଏହି ନଦୀରେ ଛୋଟରୁ ବଡ ପଥର ରହିଛି ।
ଗଣମାଧ୍ୟମ ରିପୋର୍ଟ ଅନୁଯାୟୀ ଏହି ନଦୀ ରୁଷରେ ଅଛି। ଏଠାରେ ୧୦ ଟନ୍ ଓଜନର ପଥର ୬ ଇଞ୍ଚ ପୃଥିବୀରେ ପଶି ରହିଛି । ଏହି କାରଣରୁ ଏଠାରେ କୈାଣସି ଉଦ୍ଭିଦ ବଞ୍ଚିପାରିବ ନାହିଁ । କୈାତୁହଳର ବିଷୟ ହେଉଛି ନଦୀ ଚାରିପାଖରେ ପରିବେଶ ବହୁତ ସବୁଜ। ଏହି ପଥରର ନଦୀକୁ ପଥର ନଦୀ ବା ପଥର ରନ୍ କୁହାଯାଏ । ଏହି ନଦୀରେ ପ୍ରାୟ ୬ କିଲୋମିଟର ପର୍ୟ୍ୟନ୍ତ କେବଳ ପଥର ଦୃଶ୍ୟମାନ ହୁଏ ।
ଏହା ଦେଖିବାକୁ ଏକ ନଦୀର ସ୍ରୋତ ପରି ଦେଖାଯାଏ । ୨୦ ମିଟରର ଛୋଟ ସ୍ରୋତରୁ, କେତେକ ସ୍ଥାନରେ ଏହି ନଦୀ ମଧ୍ୟ ୨୦୦ ରୁ ୭୦୦ ମିଟର ବଡ଼ ସ୍ରୋତର ରୂପ ନେଇଥାଏ । ଏହି ଅନନ୍ୟ ନଦୀରେ ଛୋଟ ପଥରଠାରୁ ବଡ ପଥର ପର୍ୟ୍ୟନ୍ତ ରହିଛି । ଏଠାରେ ୧୦ ଟନ୍ ଓଜନ ବିଶିଷ୍ଟ ପଥରଗୁଡିକ ଚାରିରୁ ଛଅ ଇଞ୍ଚ ପର୍ୟ୍ୟନ୍ତ ବୁଡି ରହିଛି ।
ଅନ୍ୟ ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, କିଛି ବୈଜ୍ଞାନିକ ବିଶ୍ୱାସ କରନ୍ତି ଯେ ପ୍ରାୟ ୧୦,୦୦୦ ବର୍ଷ ପୂର୍ବେ ଉଚ୍ଚ ଶିଖରରୁ ଗ୍ଲାସିର୍ ଭାଙ୍ଗି ଏହି ଅଦ୍ଭୁତ ନଦୀ ସୃଷ୍ଟି ହୋଇଥିବ। ଏହି ନଦୀ ଚାରିପାଖରେ ଦେଓଦର ଗଛର ଘନ ଜଙ୍ଗଲ ଅଛି ଏବଂ ଏହା ନିକଟରେ ଏକ ଜଙ୍ଗଲ କ୍ଷେତ୍ର ଅଛି । ଲୋକମାନେ ଏହି ନଦୀ ଦେଖିବା ପାଇଁ ବିଭିନ୍ନ ସ୍ଥାନରୁ ଏଠାରେ ପହଞ୍ଚନ୍ତି ।
