ଦେବଗଡ : ପୁଅର ଠେଙ୍ଗା ମାଡରେ ବାପା ମୃତ , ମାଆ ଆହତ । ଲଇମୁରା ଥାନା ଭାଲୁବୁହା ଗାଁରେ ମଦ୍ୟପ ପୁଅର ଉନ୍ମତ୍ତ କାଣ୍ଡ । ଅଭିଯୁକ୍ତ ପୁଅ ଥାନାରେ ଅଟକ । ମୃତକ ହେଲେ ମୃତକ ଗୁରୁଚରଣ କିସାନ। ଅଭିଯୁକ୍ତ ପୁଅକୁ ଅଟକ ରଖିଛି ପୋଲିସ । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଅଭିଯୁକ୍ତ ମିଶ୍ର କିସାନମଦ୍ୟପ ଅବସ୍ଥାରେ ଘରକୁ ଆସି ପାରିବାରିକ କଥାକୁ ନେଇ ଗୁରୁ ଚରଣଙ୍କ ସହ ଝଗଡ଼ା କରିଥିଲା । ଏଥିରେ ଉତ୍ୟକ୍ତ ହୋଇ ମିଶ୍ର ଏକ ଠେଙ୍ଗା ସାହାଯ୍ୟରେ ବାପା ଗୁରୁଚରଣ ଉପରକୁ ଆକ୍ରମଣ କରିଥିଲା । ଘଟଣାସ୍ଥଳରେ ହିଁ ଗୁରୁଙ୍କ ମୃତ୍ୟୁ ଘଟିଥିଲା । ଅନ୍ୟ ପଟେ ମିଶ୍ର ତାଙ୍କ ମାଙ୍କୁ ମଧ୍ୟ ଆକ୍ରମଣ କରିଥିବା ବେଳେ ସେ ମଧ୍ୟ ଗୁରୁତର ଆହତ ହୋଇଥିବା ଜଣାପଡ଼ିଛି। ସେପଟେ କଳହରୁ ହତ୍ୟାକାଣ୍ଡ ହୋଇଥିବା ପୋଲିସ ପ୍ରାଥମିକ ତଦନ୍ତରୁ ଜଣା ପଡ଼ିଛି ।
