ଭୁବନେଶ୍ବର : ଜଳୁଛି ପଶ୍ଚିମ ଓଡିଶା । ଗତ କିଛି ଦିନ ହେଲା ପଶ୍ଚିମ ଓଡ଼ିଶାରେ ନିଆଁ ବର୍ଷା ଜାରି ରହିଛି। ଆଜି ପୁଣି ପଶ୍ଚିମ ଓଡ଼ିଶାର ତାତି ସୀମା ଲଂଘିଥିବା ଜଣାଯାଇଛି। ଆଜି ଦିନ ୧୧.୩୦ ସୁଦ୍ଧା ରେକର୍ଡ ତାପମାତ୍ରା ଅନୁଯାୟୀ ସମ୍ବଲପୁର ରାଜ୍ୟର ସବୁଠାରୁ ଉତ୍ତପ୍ତ ସହର ଭାବେ ପରିଗଣିତ ହୋଇଛି। ଏଠାରେ ଦିନ ୧୧.୩୦ ସୁଦ୍ଧା ତାପମାତ୍ରା ୪୨.୨°ରେକର୍ଡ ହୋଇଛି। ଏଣେ ଝାରସୁଗୁଡ଼ାରେ ତାପମାନ ୪୧.୬°, ହୀରାକୁଦରେ ୪୧°, କେନ୍ଦୁଝରରେ ୩୮.୨° ରେକର୍ଡ କରାଯାଇଛି। ତେଣେ ଭୁବନେଶ୍ୱରରେ ୩୭.୨ °, ଗୋପାଳପୁରରେ ୩୫.୬°. ବାଲେଶ୍ୱରେ ୩୪.୮°, ପୁରୀରେ ୩୪.୪°, ଚାନ୍ଦବାଲିରେ ୩୩.୨° ଓ ପାରାଦୀପରେ ୩୧.୯ ତାପମାତ୍ରା ରେକର୍ଡ ହୋଇଛି।
