ବାଲେଶ୍ୱର : ଭଙ୍ଗାଯାଇପାରେ ବାହାନଗା ହାଇସ୍କୁଲରେ ମୃତଦେହ ରହିଥିବା ଘର । ସ୍କୁଲ ପରିଦର୍ଶନ ବେଳେ ସୂଚନା ଦେଲେ ବାଲେଶ୍ୱର ଜିଲ୍ଲାପାଳ । ସ୍କୁଲ ପରିଚାଳନା କମିଟି ଚାହିଁଲେ ଘରକୁ ଭଙ୍ଗାଯିବ କହିଲେ ଜିଲ୍ଲାପାଳ । ସ୍କୁଲ ପରିଚାଳନା କମିଟି ଏ ନେଇ ନିଷ୍ପତ୍ତି ଜଣାଇଲେ ପଦକ୍ଷେପ ନିଆଯିବ । ଟ୍ରେନ ଦୁର୍ଘଟଣାରେ ମୃତକଙ୍କ ଶବ ଉକ୍ତ ଘରେ ରଖାଯାଇଥିଲା । ପିଲା ଡରୁଥିବାରୁ ସମ୍ପୃକ୍ତ ସ୍କୁଲ ଘରକୁ ନେଇ ସଂଶୟ ରହିଥିଲା ।
ବାହାନଗା ହାଇସ୍କୁଲରେ କୋମଳମତି ଛାତ୍ରଛାତ୍ରୀ ପାଠ ପଢୁଥିବା ବେଳେ, ଟ୍ରେନ୍ ଦୁର୍ଘଟଣା ପରେ ଏଠାରେ ଶହ ଶହ ମୃତ ଦେହ ରଖାଯାଇଥିଲା । ବର୍ତ୍ତମାନ ସେହି ସ୍କୁଲକୁ ଛୋଟ ଛୋଟ ପିଲା ପାଠପଢିବାକୁ ଯିବା ନେଇ ଆପତ୍ତି ଉଠାଇଛନ୍ତି ଅଭିଭାବକ । ସ୍କୁଲରେ ପାଠ ପଢାଗଲା ଭଳି ବାତାବରଣ ନାହିଁ ବୋଲି ଅଭିଭାବକ କହିଛନ୍ତି । ତେବେ ସ୍କୁଲ କମିଟି କହିଲେ ସ୍କୁଲ ଘର ଭଙ୍ଗାଯାଇପାରେ ବୋଲି ସୂଚନା ଦେଇଛନ୍ତି ଜିଲ୍ଲାପାଳ ।
