କଟକ: ସିଲଭର ସିଟି କଟକ ଏବେ ଭେଜାଲ ବା ନକଲି କାରବାରର ପେଣ୍ଠ ସ୍ଥଳି ପାଲଟିଛି । ଦିନକୁ ଦିନ ବିଭିନ୍ନ ପ୍ରକାର ନକଲି ସାମଗ୍ରୀର ବ୍ୟବସାୟ ହେଇଥିବା ଏଠାରେ ଦେଖିବାକୁ ମିଳୁଛି । ପ୍ରଥମେ ଘିଅ, ଖାଇବା ତେଲ, ଜର୍ଦା ଓ ସସ୍ ପରେ ଆଜି ନକଲି ସିମେଣ୍ଟ ଗୋଦାମରେ ଚଢ଼ାଉ ହୋଇଛି ।
କଟକ ପୀର ବଜାର ଚମ୍ପତ୍ତି ଠାରେ ଏହି ନକଲି ସିମେଣ୍ଟ କାରଖାନା ରହିଛି । ଏହି ନକଲି କାରଖାନା ବାବଦରେ ଖବର ପାଇ ଆଜି କଟକ କମିସନରେଟ ପୋଲିସ୍ ଅଚାନକ ଚଢ଼ାଇ କରିଛି । ସେହି ସିମେଣ୍ଟ କାରଖାନାରେ ୪ଟି ବ୍ରାଣ୍ଡର ସିମେଣ୍ଡ ପ୍ରସ୍ତୁତ ହେଉଥିବା ଜଣା ପଡ଼ିଛି । ଏହି ନକଲି ସିମେଣ୍ଡ ପ୍ୟାକିଂ ପାଇଁ ବ୍ରହ୍ମପୁରକୁ ବ୍ରାଣ୍ଡ ଜରି ଆସୁଥିଲା । ଏଠାରେ ମୁଣ୍ଡା ଓ ନଷ୍ଟ ହୋଇଯାଉଥିବା ସିମେଣ୍ଟକୁ ଗୁଣ୍ଡ କରି ସେହି ପ୍ୟାକେଟରେ ଭର୍ତ୍ତି କରାଯାଇ ବିକ୍ରି ପାଇଁ ବଜାରକୁ ଛଡ଼ା ଯାଉଥିଲା । ଏହି ଦୁଇଟି ଗୋଦାମରୁ ଏକ ହଜାରରୁ ଅଧିକ ନକଲି ସିମେଣ୍ଟ ଜବତ କରିବା ସହ ଜଣକୁ ଗିରଫ କରିଛିି କମିସନରେଟ ପୋଲିସ । ତେବେ ଏହି ମୁଣ୍ଡା ସିମେଣ୍ଟ କେଉଁଠାରୁ ଆସୁଥିଲା ଓ ଏଥିରେ ଆଉ କେତେଜଣ ସାମିଲ ଅଛନ୍ତି ସେ ନେଇ ପୋଲିସ ଅଧିକ ଖୋଳତାଡ଼ କରୁଛି ।
ତେବେ କଟକରୁ ଏକାଧିକ ନକଲି ସାମଗ୍ରୀର କାରଖାନା ଠାବ ହୋଇଥିବା ବେଳେ, ତଥାପି ଏହି ବେଆଇନ କାରବାର ରୋକିବାରେ ଜିଲ୍ଲା ପ୍ରଶାସନ କାହିଁକି ସକ୍ଷମ ହୋଇପାରୁନାହିଁ ବୋଲି ସାଧାରଣରେ ପ୍ରଶ୍ନ ଉଠିଛି ।
