ନୂଆଦିଲ୍ଲୀ : ୬୦୦ ଫୁଟ ଉଚ୍ଚରେ ଉଡୁଥିଲା ବିମାନ । ଜଣେ ଯାତ୍ରୀ ବିମାନର ଜରୁରୀକାଳିନ ଦ୍ୱାର (ଏମର୍ଜେନ୍ସି ଡୋର) ଖୋଲି ଦେଇଥିଲେ ।ସାଉଥ କୋରିଆ ଏସିଆନା ଏୟାରଲାଇନ୍ସ ଇ୩୨୧ ବିମାନ ର ଝରକା ଖୋଲିଦେଇଥିଲେ ଯାତ୍ରୀ । ବିମାନ ଉଡୁଥିଲା ପ୍ରାୟ ୨୦୦ ମିଟର ବା ୬୦୦ ଫୁଟ ଉପରେ । ଜରୁରୀକାଳିନ ଦ୍ୱାର ଖୋଲି ଯିବାରୁ ବିମାନରେ ପ୍ରଚଣ୍ଡ ଶବ୍ଦରେ ପବନ ପ୍ରବେଶ କରିଥିଲା । ବିମାନ ଭିତରେ ଥିବା ଜିନିଷମାନ ଉଡିବାକୁ ଲାଗିଥିଲା । ବିମାନରେ ଥିବା ଲୋକେ ଠିକଭାବେ ନିଶ୍ୱାଃସ ନେଇ ପାରିନଥିଲେ । ବିମାନରେ ଏହି ସମୟରେ ୧୯୪ ଜଣ ଯାତ୍ରୀ ଯାତ୍ରା କରୁଥିଲେ ।
ଏହାଫଳରେ ୯ ଜଣ ବୃଦ୍ଧ ଓ ଶିଶୁ ଆହତ ହୋଇଥିଲେ । ବିମାନଟି ଅବତରଣ ପରେ ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ତେବେ ଯାତ୍ରୀମାନେ ସେତେଟା ଗୁରୁତର ହୋଇ ନଥିବା ଜଣାଯାଇଛି । ପୋଲିସ ୪୪ ବର୍ଷ ବୟସ୍କ ଏହି ବ୍ୟକ୍ତିକୁ ଗିରଫ କରିଛି ।ଏହି ସମୟରେ ଜଣେ ଯାତ୍ରୀ ବିମାନର ଦୃଶ୍ୟ ମୋବାଇଲରେ ରେକଡିଂ କରି ଦେଇଥିଲେ । ସେହି ଭୟଙ୍କର ଦୃଶ୍ୟ ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି । କେଉଁଥି ପାଇଁ ମଝି ଆକଶରେ ଦ୍ୱାର ଖୋଲିଲେ ସେ ସମ୍ପର୍କରେ ଜଣାପଡିନାହିଁ । ପୋଲିସ ତଦନ୍ତ ଜାରି ରହିଛି ।
