ପୋଲିସ ସହ କଥା ହେଲେ ଅପରାଜିତା ।କମିଶନରେଟ ପୋଲିସକୁ ସୁରକ୍ଷା ମାଗିଲେ ଅପରାଜିତା । ସେ କହିଛନ୍ତି ଯେ, ବାବୁସାନ ପହଁଚିବା ପରେ ଘର ଆଗରେ ପ୍ରବଳ ଭିଡ ଲାଗିରହିଛି । ଏପିରିକି ଗଣମାଧ୍ୟମ ସହ କିଛି ଅଚିହ୍ନା ଲୋକ ଥିବା ଜଣାପଡିଛି । ତେଣୁ ତୁରନ୍ତ ସୁରକ୍ଷା ଯୋଗାଇ ଦିଆଯାଉ ବୋଲି ଅପରାଜିତ ପୋଲିସକୁ କହିଛନ୍ତି । ସେପଟେ ଗୁରୁବାର ଦିନ ବାବୁସାନ୍ଙ୍କୁ ପଚରାଉଚରା କରିପାରେ ପୋଲିସ ।
ଖବର ଅନୁଯାୟୀ, ବୁଧବାର ଦିନ ସକାଳେ ବାବୁସାନ୍ ଚେନ୍ନାଇରୁ ବିମାନ ଯୋଗେ ଭୁବନେଶ୍ୱରରେ ପହଞ୍ଚିଥିଲେ । ସେଠାରୁ କାର୍ ଯୋଗେ ବାବୁସାନ୍ ନିଜ ବାସଭବନରେ ପହଞ୍ଚିଥିଲେ । ସେ ପହଞ୍ଚିବା ମାତ୍ର , ତାଙ୍କ ଘର ଆଗରେ ପ୍ରବଳ ଭିଡ ଦେଖିବାକୁ ମିଳିଥିଲା । ଯାହାମଧ୍ୟରେ କିଛି ଗଣମାଧ୍ୟମ ପ୍ରତିନିଧି ରହିଥିଲେ । ତେବେ ଘର ଆଗରେ ଏତେ ପରିମାଣର ଭିଡ ଦେଖି କମିଶନରେଟ୍ ପୋଲିସ ସହ କଥା ହୋଇଛନ୍ତି ଅଭିନେତ୍ରୀ ଅପରାଜିତା । ଘର ଆଗରେ ଗଣମାଧ୍ୟମ ପ୍ରତିନିଧିଙ୍କ ସହ କିଛି ଅଚିହ୍ନା ଲୋକ ଥିବା ଅପରାଜିତା କହିଛନ୍ତି । ତେଣୁ ତୁରନ୍ତ ସୁରକ୍ଷା ଯୋଗାଇ ଦିଆଯାଉ ବୋଲି ସେ କହିଛନ୍ତି ।
ସେହିପରି ରାଜଧାନୀ ରାଜରାସ୍ତାରେ ଘଟିଥିବା ହାଇଡ୍ରାମାକୁ ବାବୁସାନ୍ଙ୍କୁ ନୋଟିସ୍ କରିଛି କମିଶନ୍ରେଟ ପୋଲିସ । ଆସନ୍ତାକାଲି ମାନେ ଗୁରୁବାର ଦିନ ବାବୁସାନ୍ଙ୍କୁ ପଚରାଉଚରା କରିପାରେ ପୋଲିସ । ମଙ୍ଗଳବାର ଦିନ ଅଭିନେତ୍ରୀ ପ୍ରକୃତିଙ୍କୁ ପଚରାଉଚରା କରିଛି ପୋଲିସ ।
