ଉୁବନେଶ୍ୱର : ସେୟାର ମାର୍କେଟରେ ଲାଗିଲା ୪.୬୩ଲକ୍ଷ କୋଟି ଟଙ୍କାର ବମ୍ପର ଲଟେରୀ । ଆଜି ମାର୍କେଟ ଖୋଲିବା ପରେ ନାହିଁ ନଥିବା ଉତ୍ସାହ ଦେଖିବାକୁ ମିଳିଛି । ୪ ମାସର କ୍ଷତି ପରେ ମାର୍କେଟ୍ ସମ୍ଭାଳିଛି । ବ୍ୟାଙ୍କିଙ୍ଗ ଏବଂ ଆଇଟି କମ୍ପାନୀଗୁଡ଼ିକର ସେୟାରରେ ଭଲ ବୃଦ୍ଧି ଘଟିଥିବା ବେଳେ ବିଦେଶୀ ନିବେଶକମାନେ ମଧ୍ୟ ଭାରତୀୟ ସେୟାର ବଜାରରେ ବହୁ ପରିମାଣରେ ନିବେଶ କରିଛନ୍ତି। ସକାଳ ୧୧:୦୧ ରେ, ସେନସେକ୍ସ ୯୧୯ ପଏଣ୍ଟ ବା ୧.୧୯ ପ୍ରତିଶତ ବୃଦ୍ଧି ପାଇ ୭୭,୮୨୩ ରେ କାରବାର କରୁଥିଲା, ଯେତେବେଳେ କି ନିଫ୍ଟି ୫୦ ସୂଚକାଙ୍କ ମଧ୍ୟରେ ୨୬୪ ପଏଣ୍ଟ ବା ୧.୧୩ ପ୍ରତିଶତ ବୃଦ୍ଧି ପାଇ ୨୩,୬୧୫ ସ୍ତରରେ କାରବାର କରୁଥିଲା । ଷ୍ଟକ୍ ବଜାରରେ ଏହି ବୃଦ୍ଧି କାରଣରୁ ବମ୍ବେ ଷ୍ଟକ୍ ଏକ୍ସଚେଞ୍ଜରେ ତାଲିକାଭୁକ୍ତ ସମସ୍ତ କମ୍ପାନୀର ମୋଟ କ୍ୟାପିଟାଲାଇଜେସନ ୪.୬୩ ଲକ୍ଷ କୋଟି ଟଙ୍କା ବୃଦ୍ଧି ପାଇ ୪୧୭.୯୩ ଲକ୍ଷ କୋଟି ଟଙ୍କାରେ ପହଞ୍ଚିଛି।
