ଭୁବନେଶ୍ୱର : ଡିସକାଉଣ୍ଟ ଗାଡି ଦେବା ନାଁରେ ୪୦ କୋଟି ଠକେଇ ମାମଲା । ଗଞ୍ଜାମ ଆସିକାର ଦମ୍ପତିଙ୍କୁ ଅଟକ ରଖିଲା କମିଶନରେଟ ପୋଲିସ । ନୟାପଲ୍ଲୀ ଥାନାରେ ସ୍ୱାମୀ ସ୍ତ୍ରୀଙ୍କୁ ଅଟକ ରଖି ପଚରାଉଚରା । ଭୁବନେଶ୍ୱରରେ ଉଭୟଙ୍କ ନାଁରେ ଅଛି ୬ଟି ମାମଲା । ୨୦ରୁ ଅଧିକ ଲୋକଙ୍କୁ ଦମ୍ପତି ଠକିଥିବା ଅଭିଯୋଗ । ଠକାମୀର ଶିକାର ବ୍ୟକ୍ତିଙ୍କ ମଧ୍ୟରେ ଏକାଧିକ ପୋଲିସ ଥିବା ସୂଚନା । ମା ଖଣ୍ଡୁଆ ଅଟୋ ମୋବାଇଲ୍ସ ନାଁରେ ଠକେଇ କରିଛନ୍ତି ଦମ୍ପତ୍ତି । ତାଙ୍କ ନାଁରେ ରାଜଧାନୀର ଏକାଧିକ ଥାନାରେ ମାମଲା ରୁଜୁ ହୋଇଛି। ୫୦ ପ୍ରତିଶତ ଡିସକାଉଣ୍ଟରେ ଦାମୀ କାର ଦେବାକୁ କହୁଥିଲେ । ୧୦ ଲକ୍ଷ ଟଙ୍କାର କାର ୬ ଲକ୍ଷ, ୧୮ ଲକ୍ଷ ଟଙ୍କାର କାର ୯ ଲକ୍ଷ ଟଙ୍କାରେ ମିଳୁଛି । ଆଉ ବିଭିନ୍ନ କାର ସୋ ରୁମ ଏହି କ୍ଲିୟରାନ୍ଲସ ସେଲ ପାଇଁ ମା ପାଟଖଣ୍ଡ ଅଟୋମୋବାଇଲ୍ସ ପ୍ରାଇଭେଟ ଲିମିଟେଡ ସହ ଚୁକ୍ତି ହୋଇଛି । ଏପରିକି ଏହା ସତ୍ୟ ବୋଲି ଦେଖାଇବା ପାଇଁ କିଛି ଲୋକଙ୍କୁ ନୂଆ କାର ମଧ୍ୟ ଯୋଗାଇ ଦେଇଥିଲେ । ଏହାକୁ ଦେଖି ଅନ୍ୟ ମାନେ ସମସ୍ତେ ଅଗ୍ରୀମ ଟଙ୍କା ଜମା ମଧ୍ୟ କରିଦେଲେ । ଏହିଭଳି ଭାବେ ଶତାଧିକ ଲୋକଙ୍କ ଠାରୁ ପାଖାପାଖି ୪୦ କୋଟି ଟଙ୍କାର ଚୂନ ଲଗାଇ ସ୍ବାମୀ ସ୍ତ୍ରୀ ସମେତ ୩ ଜଣ କୁଖ୍ୟାତ ଠକ ଫେରାର ହୋଇ ଯାଇଥିଲେ । ଠକେଇ ଅଭିଯୋଗରେ ରାଜ୍ୟର ଏକାଧିକ ଥାନାରେ ତାଙ୍କ ନାରେ ମାମଲା ରୁଜୁ ହୋଇଛି।
