ହଟିଆ ରେଳଖଣ୍ଡ ଅଧିନସ୍ତ କୁରକୁରା ଷ୍ଟେସନରେ ଘଟିଛି ଏହି ଦୁର୍ଘଟଣା । କ୍ଷୟକ୍ଷତି ଆକଳନ ପାଇଁ ଘଟଣା ସ୍ଥଳରେ ରେଳବାଇର ବରିଷ୍ଠ ପଦାଧିକାରୀ ବରିଷ୍ଠ ପଦାଧିକାରୀ । ଉଦ୍ଧାର କାର୍ଯ୍ୟପାଇଁ ବନ୍ଧମୁଣ୍ଡାରୁ ଗଲା ରିଲିଫ ଟ୍ରେନ ।
ସେପଟେ, ଟ୍ରେନ ଧକାରେ ପ୍ରାଣ ହରାଇଲେ ଦୁଇ ହାତୀ । ଗୋଟିଏ ଦନ୍ତା ହାତୀ ହୋଇଥିବା ବେଳେ ଆଉ ଗୋଟିଏ ମାଈ ହାତୀ ବୋଲି ଜଣାପଡିଛି । ଗତକାଲି ସଂଧ୍ୟାରେ ଟାଙ୍ଗୀ ରେଞ୍ଜ ଭୁଷଣ୍ଡପୁର ଉଗ୍ରତାରା ରେଳ ଫାଟକ ନିକଟରେ ଦନ୍ତାକୁ ଧକା ଦେଇଥିଲା ଟ୍ରେନ୍ । ହାତୀ ପଲ ରେଳ ଲାଇନ୍ ଅତିକ୍ରମ କରୁଥିବା ବେଳେ ଟ୍ରେନ ଧକା ଦେଇଥିଲା । ଏହାପରେ ଗୁରୁତର ଅବସ୍ଥାରେ ଦନ୍ତାହାତୀ ଜଙ୍ଗଲ ଭିତରକୁ ପଳାଇଯାଇଥିଲା ।
ଜଙ୍ଗଲରେ ଏକ ୧୯ଟିକିଆ ହାତୀ ପଲ ରେଳ ଲାଇନ ପାର ହେଉଥିଲେ । ସେଥିରେ ୬ଦନ୍ତା, ୫ ଛୁଆ ହାତୀ, ୮ଟି ମାଇ ହାତୀ ଥିଲେ । ସେମାନେ ଖାଦ୍ୟ ପାଇଁ ଗାଁ ନିକଟରେ ଥିବା ଧାନ କ୍ଷେତ ମୁହାଁ ହୋଇଥାନ୍ତି । ସବୁଦିନ ଭଳି ହାତୀଟି ଧାନ ଖାଇବାକୁ ଯାଉଥିବାବେଳେ ଧକା ଦେଇଥିଲା ଟ୍ରେନ୍ । ଖବର ପାଇଁ ଟାଙ୍ଗୀ ବନ ବିଭାଗ ରେଞ୍ଜରଙ୍କ ନେତୃତ୍ୱରେ ଏକ ଦଳ ଆହତ ଦନ୍ତାକୁ ଠାବ କରିବା ଜଙ୍ଗଲ ଭିତରକୁ ଯାଇଥିଲେ ।
