କେନ୍ଦୁଝର : ୫ଟି ସଚିବ ଭି, କେ ପାଣ୍ଡିଆନ କେନ୍ଦୁଝର ଜିଲ୍ଲାକୁ ୨ ଦିନିଆ ଗସ୍ତରେ ଆସିଛନ୍ତି । ଆଜି ପାଟଣା ବିଧାୟକ ତଥା ଯୋଜନା ବୋର୍ଡ଼ ଅଧକ୍ଷ ଜଗନ୍ନାଥ ନାୟକଙ୍କ ତତ୍ୱାବଧାନରେ ପାଟଣାର ପ୍ରମୁଖ ପର୍ୟଟନ ସ୍ଥଳି ଭୀମକୁଣ୍ଡ ଠାରେ ପରିଦର୍ଶନର କାର୍ୟ୍ୟକ୍ରମ ରହିଥିଲା । ସକାଳ ନଅଟା ବେଳେ ପାଟଣା ତଣ୍ଡ ଠାରେ ହେଲିକେପଟରରେ ଅବତରଣ କରି ଥିଲେ । ସେଠାରେ କେନ୍ଦୁଝର ଜିଲ୍ଲାପାଳ ଆଶିଷ ଠାକୁରେ, ନୂତନ ଭାବେ ଯୋଗ ଦେଇଥିବା ଏସପି ନିତିନ କୁଶଲକର, ପାଟଣା ବିଡିଓ ଶିବ ଶଙ୍କର ମୁର୍ମୁ, ସାହାରପଡା ବିଡିଓ ବିଜୟ କୁମାର ନାୟକଙ୍କ ସମେତ ବହୁ ପ୍ରଶାସନ ଅଧିକାରୀ ୫ଟି ସଚିବଙ୍କୁ ସ୍ୱାଗତ ସମ୍ୱର୍ଦ୍ଧନା କରିଥିଲେ । ଏହାପରେ ସଚିବ ଭୀମକୁଣ୍ଡ ଯାଇ ସେଠାକାର ଉର୍ଣ୍ଣୟନ କାର୍ୟକ୍ରମର ସମୀକ୍ଷା କରିଥିଲେ । ଭୀମକୁଣ୍ଡ କାର୍ୟ୍ୟକ୍ରମ ସାରି ଚମ୍ପୁଆ ଅଭିମୁଖେ ଗସ୍ତ କରିଛନ୍ତି । ଚମ୍ପୁଆ ନଗର ଖେଳ ପଡିଆ ଠାରେ ଅବତରଣ କରି ଡିଙ୍ଗର ଫର୍ମ ଟ୍ୟାପ ପ୍ରୋଜେକ୍ଟର ଜଳ ବିଶୋଧାନଗାର ପ୍ରକଳ୍ପର ସମୀକ୍ଷା କରିବେ । ପରେ ଚମ୍ପୁଆ ନେହେରୁ ଷ୍ଟାଡିଅମ ରେ ସ୍ଥାନୀୟ ଲୋକଙ୍କ ସହିତ ଆଲୋଚନା କରିବାରେ କାର୍ୟ୍ୟକ୍ରମ ରହିଛି ।
