ପୁଣି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଭେଟିଲେ ରାଜନୈତିକ ରଣନୀତିକାର ପ୍ରଶାନ୍ତ କିଶୋର । ଗତ ତିନି ଦିନ ଭିତରେ ଦ୍ୱିତୀୟଥର କଂଗ୍ରେସର ଶୀର୍ଷ ନେତୃତ୍ୱଙ୍କୁ ଭେଟିଛନ୍ତି ପ୍ରଶାନ୍ତ କିଶୋର । ସୋନିଆ ଗାନ୍ଧି, ପ୍ରିୟଙ୍କା ଗାନ୍ଧି, ଅମ୍ବିକା ସୋନୀ, ପି. ଚିଦାମ୍ବରମ୍, ଜୟରାମ ରମେଶ, କେସି ବେଣୁଗୋପାଳ ଓ ରଣଦୀପ ସୁର୍ଜେୱାଲାଙ୍କ ଭଳି କଂଗ୍ରେସର ଆଗଧାଡ଼ିର ନେତାଙ୍କ ସହ ପାଖାପାଖି ୫ ଘଂଟା ଧରି ବୈଠକ କରିଛନ୍ତି ପ୍ରଶାନ୍ତ । ଚର୍ଚ୍ଚା ହେଉଛି ଯେ ପ୍ରଶାନ୍ତ କିଶୋର ପରାମର୍ଶଦାତା ଭାବେ ନୁହେଁ ବରଂ ଦଳରେ ସାମିଲ୍ ହୋଇ ଅନ୍ୟ କର୍ମୀଙ୍କ ଭଳି କାମ କରନ୍ତୁ ବୋଲି ଦଳ ଚାହୁଁଛି । କିନ୍ତୁ ଏ ନେଇ କଂଗ୍ରେସ ତରଫରୁ କୌଣସି ବିଦ୍ଧିବଧ ସୂଚନା ମିଳିପାରିନାହିଁ ।
