ବାଲେଶ୍ୱର: ପରୀକ୍ଷଣରେ ସଫଳତା ପାଇଲା କ୍ଷେପଣାସ୍ତ୍ର ପ୍ରଳୟ । ଏହାକୁ ଭଦ୍ରକ ଜିଲ୍ଲା ଧାମରା ସ୍ଥିତ ଅବଦୁଲ କାଲାମ ଦୀପରେ ଦ୍ୱିତୀୟ ଥର ପାଇଁ ପରୀକ୍ଷଣ କରାଯାଇଥିଲା । ଯାହାକି ଏହି ୨ୟ ଥରରେ ମଧ୍ୟ ସଫଳ ହୋଇପାରିଛି ।
ସୂଚନାନୁଯାୟୀ, ବୁଧବାର ଦିନ ଭୂପୃଷ୍ଠରୁ ଭୂପୃଷ୍ଠକୁ ନିକ୍ଷେପ କରିପାରୁଥିବା ଏହି ସ୍ୱଳ୍ପ ଦୂରଗାମୀ କ୍ଷେପଣାସ୍ତ୍ର ପ୍ରଳୟକୁ ପ୍ରଥମ ଥର ପାଇଁ ପରୀକ୍ଷଣ କରାଯାଇଥିବା ବେଳେ, ଗୁରୁବାର ପୁଣି ଥରେ ଅବଦୁଲ କାଲାମ ଦୀପରୁ ସକାଳ ୯ଟା ୩୦ ମିନିଟ ସମୟରେ ଉତକ୍ଷେପଣ କରାଯାଇଥିଲା । ଯାହାକି ସଫଳ ମଧ୍ୟ ହୋଇପାରିଛି । ତେବେ ୧୦ ମିଟର ଲମ୍ବ ଓ ୫ ଟନ୍ ଓଜନ ବିଶିଷ୍ଟ ଏହି ମିଶଇଲର ପାଞ୍ଚ ଶହ କିଲୋମିଟର ପର୍ଯ୍ୟନ୍ତ ଲକ୍ଷ ଭେଦ କରିପାରୁଥିବା କ୍ଷମତା ରହିଛି । ଏହି ସ୍ୱଳ୍ପ ଦୂରଗାମୀ କ୍ଷେପଣାସ୍ତ୍ରରେ ଏକ ଟନ୍ ଓଜନର ଯୋଦ୍ଧାସ୍ତ୍ର ବହନ କରିବାର କ୍ଷମତା ମଧ୍ୟ ଥିବା ଜଣା ପଡ଼ିଛି ।
