ପଦ୍ମପୁର : ଗନ୍ଧମାର୍ଦ୍ଦନ ପାହାଡ ଉପରେ ଫଶିଥିବା ୧୭ ଛତିଶଗଡି ପର୍ଯ୍ୟଟକ ଉଦ୍ଧାର । ପ୍ରବଳ ବର୍ଷା ଯୋଗୁଁ ପାହାଡ ଉପରେ ଫସି ରହିଥିଲେ ଛତିଶଗଡର ୧୭ ପର୍ଯ୍ୟଟକ । ନୃସିଂହନାଥଠାରୁ ୫ କିମି ଦୂର କପିଳଧାରା ଜଳପ୍ରପାତ ନିକଟରେ ଫସି ଯାଇଥିଲେ । ସମସ୍ତ ପର୍ୟ୍ୟଟକ ସୁରକ୍ଷିତ ଥିବା ସୂଚନା ମିଳିଛି । ରେସକ୍ୟୁ ଟିମ୍ ରେ ଥିବା ଜଣେ ଫରେଷ୍ଟ ଗାର୍ଡ ଆହତ ହୋଇଛନ୍ତି । ଗତକାଲି ଛତିଶଗଡର କିଛି ପର୍ୟ୍ୟଟକ ଗନ୍ଧମାର୍ଦ୍ଦନ ପାହାଡ ବୁଲିବାକୁ ଯାଇଥିଲେ । ପ୍ରବଳ ବର୍ଷା ଯୋଗୁ ପାହାଡରେ ଫସିଥିଲେ। ବରଗଡ଼ରୁ ବଲାଙ୍ଗୀରକୁ ବ୍ୟାପିଥିବା ଗନ୍ଧମାର୍ଦ୍ଦନ ପର୍ବତର ଶିଖରରେ ଫସିଯାଇଥିଲେ ପର୍ୟ୍ୟଟକ । ତେବେ ପ୍ରବଳ ବର୍ଷା ଯୋଗୁଁ ଉଦ୍ଧାର କାର୍ୟ୍ୟ ବାଧାପ୍ରାପ୍ତ ହୋଇଥିଲା ।
