କିଭ : ଗତ କିଛି ଦିନ ମଧ୍ୟରେ ରୁଷ ୟୁକ୍ରେନ ଉପରେ ଆକ୍ରମଣକୁ ତୀବ୍ର କରିଛି। ୟୁକ୍ରେନୀୟ ବାୟୁସେନା ସୋମବାର କହିଛି ଯେ ଗତ ରାତିରେ ରୁଷ ସବୁଠାରୁ ବଡ଼ ଡ୍ରୋନ୍ ଆକ୍ରମଣ କରିଛି। ଏହି ଆକ୍ରମଣରେ ରୁଷ ବୋମାମାଡ଼ ପାଇଁ ୪୭୯ଟି ଡ୍ରୋନ୍ ବ୍ୟବହାର କରିଛି। ୟୁକ୍ରେନୀୟ ବାୟୁସେନା ଅନୁଯାୟୀ, ଡ୍ରୋନ୍ ବ୍ୟତୀତ, ୟୁକ୍ରେନର ବିଭିନ୍ନ ସ୍ଥାନରେ ୨୦ ପ୍ରକାରର କ୍ଷେପଣାସ୍ତ୍ର ମଧ୍ୟ ନିକ୍ଷେପ କରାଯାଇଛି।ବାୟୁସେନାର ଏକ ବିବୃତ୍ତିରେ କୁହାଯାଇଛି ଯେ ୟୁକ୍ରେନର ବାୟୁ ପ୍ରତିରକ୍ଷା ପ୍ରଣାଳୀ ଆକାଶ ମାର୍ଗରେ ୨୭୭ ଡ୍ରୋନ୍ ଏବଂ ୧୯ କ୍ଷେପଣାସ୍ତ୍ରକୁ ନଷ୍ଟ କରିଛି। ବିବୃତ୍ତିରେ ଦାବି କରାଯାଇଛି ଯେ କେବଳ ୧୦ ଡ୍ରୋନ୍ କିମ୍ବା କ୍ଷେପଣାସ୍ତ୍ର ସେମାନଙ୍କ ଲକ୍ଷ୍ୟସ୍ଥଳରେ ପହଞ୍ଚିପାରିଛି।
