ନୂଆଦିଲ୍ଲୀ :ରୁଷ-ୟୁକ୍ରେନ ଯୁଦ୍ଧକୁ ପୁରୁଛି ୩ ବର୍ଷ । ପୁଣି ରୁଷ ୟୁକ୍ରେନ ଉପରେ ବଡ ଆକ୍ରମଣ କରିଛି । ୟୁକ୍ରେନର ରାଜଧାନୀ କିବ୍ ସମେତ ୧୩ଟି ସହରରେ ଉପରେ ଭୟାନକ ଡ୍ରୋନ୍ ଆକ୍ରମଣ କରିଛି ପୁଟିନ ସେନା । ରବିବାର ରାତିରେ ଋଷ ୨୦୦ରୁ ଅଧିକ ଡ୍ରୋନ ଆକ୍ରମଣ କରିଥିବା ନେଇ ୟୁକ୍ରେନ ରାଷ୍ଟ୍ରପତି ଭୋଲଦାମିର ଜେଲେନସ୍କି । ୨୦୨୨ ଫେବ୍ରୁଆରି ୨୪ ତାରିଖରେ ୟୁକ୍ରେନ ଉପରେ ପ୍ରଥମେ ଆକ୍ରମଣ କରିଥିଲା ଋଷ ସେନା । ଏହା ପରଠୁ ରବିବାର ସବୁଠାରୁ ବଡ଼ ଡ୍ରୋନ୍ ଆକ୍ରମଣ କରିଛି ଋଷ । ୟୁକ୍ରେନର ଖାର୍କିଭ, ପୋଲଟାଭା, ସୁମି, କିବ୍, ଚେର୍ନିହିଭ, ମାଇକୋଲିଭ ଓ ଓଡେସା ସମେତ ୧୩ଟି ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟାଇଛି । ବିଶେଷ କରି ଭିତ୍ତିଭୂମିକୁ ଟାର୍ଗେଟ୍ କରି ଏହି ଆକ୍ରମଣ କରାଯାଇଥିବା ଜଣାପଡ଼ିଛି । ୟୁକ୍ରେନ ବାୟୁସେନା ମୁଖପାତ୍ର ୟୁରି ଇଗ୍ନାଟ୍ କହିଛନ୍ତି ଯେ ସମନ୍ୱିତ ଆକ୍ରମଣରେ ୨୬୭ଟି ରୁଷୀୟ ଡ୍ରୋନ୍ ଉତ୍କ୍ଷେପଣ କରାଯାଇଥିଲା । ଶତାଧିକ ଡ୍ରୋନ୍କୁ ଅଟକାଯାଇଥିବା ବେଳେ ଅନ୍ୟ ଡ୍ରୋନ୍ଗୁଡ଼ିକ ଯୋଗୁଁ କ୍ଷୟକ୍ଷତି ହୋଇଛି ।
