ପୂର୍ବ ୟୁକ୍ରେନର କ୍ରାମାତୋରକ୍ସ ସହରର ରେଳ ଷ୍ଟେସନ ଉପରେ ରକେଟ ମାଡ କରିଛି ଋଷ । ଏଥିରେ ୫ ନାବାଳକ ସମେତ ୫୦ ଜଣଙ୍କ ମୃତ୍ୟୁ ହୋଇଥିବା ବେଳେ ଶତାଧିକ ୟୁକ୍ରେନ ନାଗରିକ ଆହତ ହୋଇଛନ୍ତି । ସହରବାସୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଉଥିବା ବେଳେ ଷ୍ଟେସନ ଉପରେ ରକେଟ ମାଡ କରିଥିଲେ ପୁଟିନ ସେନା । ଷ୍ଟେସନରେ ହଜାରେରୁ ଅଧିକ ଲୋକ ଥିବା ବେଳେ ରକେଟ ମାଡ ହୋଇଥିଲା । ଫଳରେ ଲୋକଙ୍କ ଆର୍ତ ଚିତ୍କାର ଫାଟି ପଡିଥିଲା ଷ୍ଟେସନ ପରିସର, ଏଣେ ତେଣେ ବିଛାଡି ହୋଇ ପଡି ରହିଥିଲା ମୃତଦେହ ।
କେହି କ’ଣ ବୁଝିବା ଆଗରୁ ଦେଖୁ ଦେଖୁ ଚାଲିଗଲା ଲୋକଙ୍କ ଜୀବନ । ଗୁରୁତର ଆହତଙ୍କୁ ତୁରନ୍ତ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ୟୁକ୍ରେନ ରାଷ୍ଟ୍ରପତି ଜେଲେନସ୍କି ଏହାକୁ ମାନବିକତା ଉପରେ ଆକ୍ରମଣ ବୋଲି କହିଛନ୍ତି । ନୀରିହ ନାଗରିକଙ୍କ ଉପରେ ଋଷ ଅତ୍ୟାଚାର କରୁଛି, ଏହା ଋଷର ସୀମାହିନ ଶୈତାନୀ । ପୁଟିନ ଯୋଜନାବଦ୍ଧ ଭାବେ ୟୁକ୍ରେନର ଲୋକଙ୍କୁ ହତ୍ୟା କରୁଛନ୍ତି, ଶୀଘ୍ର ଦଣ୍ଡ ନ ମିଳିଲେ ମାନବିକତା ଉପରେ ହେଉଥିବା ଏହି ଥମିବ ନାହିଁ ବୋଲି କହିଛନ୍ତି ଜେଲେନସ୍କି ।f
