ସାରା ଦୁନିଆକୁ କଲବଲ କରୁଛି କିଲର ଭାଇରସ । କେବଳ ମହାମାରୀର ଭୟ ନୁହେଁ ଦିନକୁ ଦିନ ନୂଆ ନୂଆ ଭାରିଆଣ୍ଟ ବି ସମସ୍ତଙ୍କୁ ସଂକ୍ରମିତ କରିବାରେ ଲାଗିଛି । କେବଳ ସାଧାରଣ ଲୋକ ନୁହେଁ ଅନେକ ରାଜନେତା, ଅଭିନେତା, ଅଭିନେତ୍ରୀ କରୋନା କବଳରେ ପଡିଛନ୍ତି । ହେଲେ ଏବେ ବି-ଟାଉନରେ ଏଣ୍ଟ୍ରି କରିଛି କରୋନାର ଏହି ନୂଆ ମ୍ୟୁଟାଣ୍ଟ ଓମିକ୍ରନ ।ବଲିଉଡ ଅଭିନେତା ହ୍ରିତିକ ରୋଶନଙ୍କ ପୂର୍ବତନ ପତ୍ନୀ ସୁଜୈନ ଖାନ୍ ଓମିକ୍ରନ ସଂକ୍ରମିତ ହୋଇଛନ୍ତି । ପୋଷ୍ଟ କରି ଏନେଇ ସେ ସୂଚନା ଦେଇଛନ୍ତି । ସୁଜୈନ ଇନଷ୍ଟାରେ ଲେଖିଛନ୍ତି କୋଭିଡକୁ ଦୁଇବର୍ଷ ଧରି ଚକମା ଦେବା ପରେ ଏଇ ଜିଦ୍ଦିଆ ଓମିକ୍ରନ କବଳରେ ପଡିଗଲି । ଗତ ରାତିରେ ମୋର ଟେଷ୍ଟ ପଜିଟିଭ ଆସିଲା ।
ଦୟାକରି ନିଜେ ସୁରକ୍ଷିତ ରୁହନ୍ତୁ ନିଜର ଧ୍ୟାନ ରଖନ୍ତୁ । ସୁଜୈନଙ୍କ ଏହି ପୋଷ୍ଟରେ ତାଙ୍କ ନିକଟତର ବନ୍ଧୁ ତାଙ୍କୁ ଆଶୁ ଆରୋଗ୍ୟ କାମନା କରିଛନ୍ତି । ନୀଲମ କୋଠାରୀ, ଫରାହ ଖାନ୍, ବିପାଶା ବାସୁ, ଜର୍ଜିଆ, ସଂଜୟ କାପ୍ପୁର ସମେତ ଅନେକ ଅଭିନେତା ଅଭିନେତ୍ରୀ ଗେଟ ଓ୍ୱେଲ୍ ସୁନ୍ କମେଣ୍ଟ ଦେଇଛନ୍ତି ।
