ହାତୀ ଆକ୍ରମଣରେ ଶ୍ରମିକ ମୃତ

ରଣପୁର : ହାତୀ ଆକ୍ରମଣରେ ଜଣେ ଶ୍ରମିକଙ୍କ ମୃତ୍ୟୁ । କମାଗୁରୁ –ମୟୁରଝଲିଆ ରାସ୍ତାରେ ଦଳିଦେଲା ହାତୀ । ୩ ଜଣ ଶ୍ରମିକ ସାଇକେଲରେ ଯାଉଥିବା ବେଳେ ୨ ଜଣ ଖସି ପଳାଇଲେ । ରଣପୁର ବ୍ଲକ ନାଟିନୀ ଗାଁର ୩ଜଣ ବ୍ୟକ୍ତି କମାଗୁରୁ ଗାଁକୁ ସାଇକେଲରେ କୂଅ ଖୋଳିବାକୁ ଆସୁଥିବା ବେଳେ ଗାଁ ନିକଟ ଜଙ୍ଗଲ ରାସ୍ତାରେ ଏକ ହାତୀ ଆକ୍ରମଣ କରିଥିଲା । ଫଳରେ ୨ଜଣ ଦୌଡି ପଳାଇଥିବାବେଳେ ହାତୀ ହାବୁଡରେ ପଡିଯାଇଥିଲେ ସତ୍ୟବ୍ରତ । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି। ସତ୍ୟବ୍ରତଙ୍କ ମୃତ୍ୟୁ ପରେ ଗାଁରେ ଉତ୍ତେଜନା ଦେଖାଦେଇଛି।