ଭୁବନେଶ୍ୱର : ଭୁବନେଶ୍ୱର ହାଇଟେକ ମେଡିକାଲ ବିସ୍ଫୋରଣ ଘଟଣାରେ ଟ୍ୱିଷ୍ଟ । ଦୁର୍ଘଟଣାରେ ମୃତକଙ୍କ ପରିଚୟକୁ ନେଇ ଦ୍ୱନ୍ଦ ସୃଷ୍ଟି । ମୃତ ଘୋଷିତ ଦିଲ୍ଲୀପ ସାମନ୍ତରାୟ ଜୀବିତ କି ମୃତ ନେଇ ଦ୍ୱନ୍ଦ । ୩୦ ତାରିଖରେ ମୃତ୍ୟୁ ନେଇ ହୋଇଥବା ବ୍ୟକ୍ତି ଦିଲ୍ଲୀପ ବୋଲି କୁହଯାଇଥିଲା । ଦିଲ୍ଲୀପଙ୍କ ପରିବାର ମୃତଦେହକୁ ନେଇ ଅନ୍ତିମ ସଂସ୍କାର କରିସାରିଛନ୍ତି । ସ୍ୱାମୀଙ୍କ ମୃତ୍ୟୁ ଭାବି ଆତ୍ମହତ୍ୟା କରିଥିଲେ ଦିଲ୍ଲୀପଙ୍କ ପତ୍ନୀ । ଦୁର୍ଘଟଣାରେ ଆହତ ଅନ୍ୟ ଜଣେ ଚିକିତ୍ସାଧୀନ ବ୍ୟକ୍ତିଙ୍କ ଚାଞ୍ଚଲ୍ୟକର ଦାବି । ଭେଣ୍ଟିଲେଟରରୁ ବାହାରି ସେ ନିଜ ନାଁ ଦିଲ୍ଲୀପ ସାମନ୍ତରାୟ କହିଲେ । ତାଙ୍କୁ ଜ୍ୟୋତିରଞ୍ଜନ ଭାବି ହାଇଟେକରେ ଚାଲିଥିଲା ଚିକିତ୍ସା । ଏବେ ବି ତାଙ୍କୁ ନିଜ ପୁଅ ବୋଲି ଜ୍ୟୋତିରଞ୍ଜନଙ୍କ ବାପା ଦାବି କରୁଥିବା ସୂଚନା । ଭେଣ୍ଟିଲେଟରରୁ ବାହାରିଥିବା ବ୍ୟକ୍ତି ଦିଲ୍ଲୀପ ନା ଜ୍ୟୋତିରଞ୍ଜନ ଅସ୍ପଷ୍ଟ । ପୋଲିସ ଘଟଣାର ତଦନ୍ତ କରୁଥିବା କହିଲେ ହସ୍ପିଟାଲ କର୍ତ୍ତୁପକ୍ଷ । ୨୯ ତାରିଖରେ ଏସି ସିଲିଣ୍ଡର ଫାଟି ବିସ୍ଫୋରଣ ହୋଇଥିଲା ।
