ଭୁବନେଶ୍ୱର ; ହଇଜା ମୁକାବିଲା ପାଇଁ ଆଜି ୩ଟି ଜିଲ୍ଲା ଗସ୍ତ କରିବେ ରାଜ୍ୟ ଟିମ । ଯାଜପୁର , କଟକ ଓ ଭଦ୍ରକ ଗସ୍ତରେ ଯିବେ ରାଜ୍ୟସ୍ତରୀୟ ଟିମ । ଗ୍ରାଉଣ୍ଡ ଜିରୋକୁ ଯାଇ ହଇଜା ସ୍ଥିତିର ଅନୁଧ୍ୟାନ କରିବେ । ଅନ୍ୟପଟେ ଯାଜପୁର ଜିଲ୍ଲାରୁ ଆରମ୍ଭ ହୋଇଥିବା ଡାଇରିଆ ମୟୂରଭଞ୍ଜରେ ପହଂଚିଛି । ମୟୂରଭଞ୍ଜ ଜିଲ୍ଲା ଉଦଳାରେ ପ୍ରତିଦିନ ୨୦ରୁ ୩୦ ଆକ୍ରାନ୍ତ ଚିକିତ୍ସା ପାଇଁ ମେଡିକାଲ ଆସୁଛନ୍ତି । ଡାଇରିଆ ୱାର୍ଡରେ ସିଟ୍ ତୁଳନାରେ ଆକ୍ରାନ୍ତଙ୍କ ସଂଖ୍ୟା ଅଧିକ ରହୁଥିବାରୁ କିଛି ରୋଗୀଙ୍କୁ ଔଷଧ ଦିଆଯାଇ ଘରକୁ ପଠାଇ ଦିଆଯାଉଛି । ଏପର୍ୟ୍ୟନ୍ତ ରାଜ୍ୟରେ ଡାଇରିଆରେ ୨୧ ଜଣଙ୍କ ମୃତ୍ୟୁ ହେଲାଣି ।
ସେପଟେ ଦୂଷିତ ପାନୀୟଜଳ ଯୋଗୁ ଡାଇରିଆ ବ୍ୟାପୁଥିବା ରିପୋର୍ଟ ଦେଇଛି କେନ୍ଦ୍ରୀୟ ଟିମ୍ । ଏନେଇ ସ୍ବାସ୍ଥ୍ୟ ସଚିବଙ୍କ ସହ ଆଲୋଚନା କରିଛି। ସମସ୍ତ ଜଳ ଉତ୍ସର ବିଶୋଧନ କରିବା ପାଇଁ ସ୍ୱାସ୍ଥ୍ୟ ବିଭାଗକୁ ପରାମର୍ଶ ଦେଇଛି ଟିମ । ପ୍ରତି ୩ଦିନରେ ଜଳ ଉତ୍ସର ବିଶୋଧନ କରାଯିବ ।
