ଭଦ୍ରକ : ସନେ୍ଦହଜନକ ଅବସ୍ଥାରେ ମା ପୁଅଙ୍କ ମୃତଦେହ ଉଦ୍ଧାର । ଭଣ୍ଡାରୀପୋଖରୀ କୁଶଗୁଡିଆ ଗାଁରେ ଭଡା ଘରୁ ମୃତଦେହ ଉଦ୍ଧାର । ପାରିବାରିକ କଳହରୁ ସ୍ତ୍ରୀ ସହ ୫ ବର୍ଷୀୟ ପୁଅକୁ ହତ୍ୟା ସନେ୍ଦହ । ସ୍ୱାମୀକୁ ଅଟକ ରଖି ଭଣ୍ଡାରପୋଖରୀ ପୋଲିସର ତଦନ୍ତ । ପାରିବାରିକ କଳହରୁ ସ୍ତ୍ରୀ ଓ ପୁଅକୁ ହତ୍ୟା କରିଛି ବାପା । ମୃତକମାନେ ହେଲେ ସ୍ତ୍ରୀ କାଞ୍ଚନ ନାୟକ ଓ ପୁଅ ଉତ୍ପଳ ନାୟକ । ଏହି ଘଟଣାରେ ଅଭିଯୁକ୍ତ ସ୍ୱାମୀ ଉମେଶ ନାୟକକୁ ଅଟକ ରଖି ପଚରାଉଚରା କରୁଛି ପୋଲିସ । ସୂଚନା ଅନୁଯାୟୀ ଭଣ୍ଡାରୀପୋଖରୀ ଥାନା ବନ୍ତ ଅଞ୍ଚଳର ଉମେଶ ସ୍ତ୍ରୀ ଓ ପୁଅକୁ ଧରି କୁଶଗଡ଼ିଆ ଗାଁରେ ରହୁଥିଲା । ଉମେଶ ମଦ୍ୟ ପାନ କରୁଥିବାରୁ ବିଭିନ୍ନ ସମୟରେ ସ୍ୱାମୀ-ସ୍ତ୍ରୀଙ୍କ ଭିତରେ ଝଗଡ଼ା ଲାଗି ରହୁଥିଲା । ଗତକାଲି ବିଳମ୍ବିତ ରାତିରେ ସ୍ତ୍ରୀ କାଞ୍ଚନ ଓ ପୁଅ ଉତ୍ପଳକୁ ଶୋଇଥିବା ବେଳେ ତଣ୍ଟି ଚିପି ହତ୍ୟା କରିବା ପରେ ଫେରାର ହୋଇ ଯାଇଥିଲା ଉମେଶ । ପରେ ଅଭିଯୁକ୍ତ କୁ କାବୁ କରି ସ୍ଥାନୀୟ ଲୋକ ପୋଲିସ ଜିମା ଦେଇଥିଲେ । ଏହି ଘଟଣାରେ ଅଭିଯୁକ୍ତ ସ୍ୱାମୀ ଉମେଶ ନାୟକକୁ ଅଟକ ରଖି ପଚରାଉଚରା କରୁଛି ପୋଲିସ ।
