ତେଲେଙ୍ଗାନା : ୧୬ ବର୍ଷରୁ କମ୍ ବୟସର ପିଲାଙ୍କ ପାଇଁ ସିନେମା ହଲ୍ ଯିବା ମନା । ଏକ ନିର୍ଦ୍ଦିଷ୍ଟ ସମୟ ପାଇଁ ସେମାନଙ୍କୁ ହଲ୍ ଯିବାକୁ ବାରଣ କରାଯାଇଛି । ସକାଳ ୧୧ଟା ପୂର୍ବରୁ ଏବଂ ରାତି ୧୧ଟା ପରେ ୧୬ ବର୍ଷରୁ କମ୍ ବୟସର ପିଲାମାନେ ସିନେମା ଦେଖିବା ପାଇଁ ହଲ୍ ଯାଇପାରିବେ ନାହିଁ । ଏଭଳି ଆଦେଶ ଜାରି କରିଛନ୍ତି ତେଲଙ୍ଗାନା ହାଇକୋର୍ଟ । ଚଳଚ୍ଚିତ୍ର ଟିକେଟ୍ ମୂଲ୍ୟ ବୃଦ୍ଧି ଏବଂ ସ୍ୱତନ୍ତ୍ର ଶୋ’ ପାଇଁ ଅନୁମତି ସମ୍ପର୍କିତ ଏକ ପିଟିସନ ଶୁଣାଣି ପରେ କୋର୍ଟ ଏହି ନିଷ୍ପତ୍ତି ଶୁଣାଇଛନ୍ତି । ପିଲାମାନଙ୍କୁ ସକାଳେ କିମ୍ବା ବିଳମ୍ବିତ ରାତିରେ ଫିଲ୍ମ ଦେଖିବା ପାଇଁ ଅନୁମତି ଦେଲେ, ଏହା ସେମାନଙ୍କ ଶାରୀରିକ ଏବଂ ଭାବନାତ୍ମକ ସ୍ୱାସ୍ଥ୍ୟ ଉପରେ ପ୍ରଭାବ ପକାଇପାରେ ବୋଲି ଜଷ୍ଟିସ୍ ବିଜୟସେନ୍ ରେଡ୍ଡୀ ମନ୍ତବ୍ୟ ଦେଇଛନ୍ତି ।
