ନୂଆଦିଲ୍ଲୀ : ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଲୋକଙ୍କ ପାଇଁ ଏକ ବଡ ଘୋଷଣା କରିଛନ୍ତି ଏବଂ ପ୍ରତ୍ୟେକ ବ୍ୟକ୍ତିଙ୍କୁ ୨୦ ଲିଟର ମାଗଣା ଜଙ ପାଣି ଦେବାକୁ ଘୋଷଣା କରିଛନ୍ତି। ଏଥିପାଇଁ ଦିଲ୍ଲୀ ସରକାର ବସ୍ତି ଏବଂ ଅନ୍ୟାନ୍ୟ ଜନବହୁଳ ଅଞ୍ଚଳରେ ୫୦୦ ୱାଟର ଏଟିଏମ୍ ସ୍ଥାପନ କରିବେ। ଏହା ଅଧୀନରେ ସିଏମ ଅରବିନ୍ଦ କେଜ୍ରିୱାଲ ସୋମବାର ମାୟାପୁରୀର ଖଜନ ବସ୍ତିରେ ଥିବା ଏକ ଆରଓ ପ୍ଲାଣ୍ଟ ଯାଞ୍ଚ କରି ଏକ ଜଳ ଏଟିଏମ ଉଦ୍ଘାଟନ କରିଛନ୍ତି।
ବର୍ତ୍ତମାନ ପର୍ୟ୍ୟନ୍ତ ୪ ଟି ପାଣି ଏଟିଏମ୍ ସ୍ଥାପନ କରାଯାଇଛି:
ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସୋମବାର କହିଛନ୍ତି ଯେ ବସ୍ତି ତଥା ଅନ୍ୟାନ୍ୟ ଜନବହୁଳ ଅଞ୍ଚଳର ଲୋକଙ୍କୁ ‘ରିଭର୍ସ ଓସମୋସିସ୍’ (RO) ପ୍ରକ୍ରିୟା ମାଧ୍ୟମରେ ବିଶୁଦ୍ଧ ପାନୀୟ ଜଳ ଯୋଗାଇବା ପାଇଁ ଦିଲ୍ଲୀ ସରକାର ୫୦୦ ୱାଟର ଏଟିଏମ ସ୍ଥାପନ କରିବାକୁ ଯୋଜନା କରିଛନ୍ତି। ସେ କହିଛନ୍ତି ଯେ ଏହିପରି ଚାରୋଟି ଏଟିଏମ୍ ସ୍ଥାପନ କରାଯାଇଛି ଏବଂ ପ୍ରଥମ ପର୍ୟ୍ୟାୟରେ ମୋଟ ୫୦୦ ଏଟିଏମ୍ ସ୍ଥାପନ କରିବାର ଯୋଜନା ରହିଛି।
ପ୍ରତ୍ୟେକ ବ୍ୟକ୍ତି ପ୍ରତିଦିନ ୨୦ ଲିଟର ଜଙ ପାଣି ମାଗଣାରେ ପାଇବେ :
ଦିଲ୍ଲୀ ସରକାରଙ୍କ ଏହି ଯୋଜନା ଅନୁଯାୟୀ ପ୍ରତ୍ୟେକ ବ୍ୟକ୍ତିଙ୍କୁ ପ୍ରତିଦିନ ୨୦ ଲିଟର ମାଗଣା ROପାଣି ଦିଆଯିବ । ସିଏମ୍ ଅରବିନ୍ଦ କେଜ୍ରିୱାଲ କହିଛନ୍ତି ଯେ ବୋର୍ଡ ଦ୍ୱାରା ପ୍ରତ୍ୟେକ ବ୍ୟକ୍ତିଙ୍କୁ RFID (ରେଡିଓ ଫ୍ରିକ୍ୱେନ୍ସି ଆଇଡେଣ୍ଟିଫିକେସନ୍) କାର୍ଡ ଯୋଗାଇ ଦିଆଯିବ, ଯାହା ମାଧ୍ୟମରେ ସେ ଏଟିଏମରୁ ପ୍ରତିଦିନ ୨୦ ଲିଟର ପାଣି ନେଇପାରିବେ।
୨୦ ଲିଟରରୁ ଅଧିକ ପାଣି ନେବା ପାଇଁ ଦେବାକୁ ପଡିବ ଟଙ୍କା :
ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ନିର୍ଦ୍ଧାରିତ କୋଟା ୨୦ ଲିଟରରୁ ଅଧିକ ପାଣି ନେବା ପାଇଁ ୨୦ ଲିଟର ପିଛା ୧.୬୦ ଟଙ୍କା ଶୁଳ୍କ ଆଦାୟ କରାଯିବ। ସେ ଆହୁରି ମଧ୍ୟ କହିଛନ୍ତି ଯେ ଏହି ଏଟିଏମ୍ ଗୁଡିକ ସେହି ବସ୍ତି ନିକଟରେ ସ୍ଥାପନ କରାଯିବ ଯେଉଁଠାରେ ଜଳ ପାଇପଲାଇନ ନାହିଁ ଏବଂ ଟ୍ୟାଙ୍କର୍ ମାଧ୍ୟମରେ ଜଳ ଯୋଗାଇ ଦିଆଯାଉଛି।
ଗରିବ ଲୋକଙ୍କୁ ବିଶୁଦ୍ଧ ଜଳ ଯୋଗାଇବାକୁ ଲକ୍ଷ୍ୟ: କେଜ୍ରିୱାଲ
ସିଏମ୍ ଅରବିନ୍ଦ କେଜ୍ରିୱାଲ କହିଛନ୍ତି, ‘ଯେହେତୁ ଆମେ ସମସ୍ତେ ଜାଣୁ ଯେ ଧନୀ ଲୋକଙ୍କ ଘରେ RO ସୁବିଧା ଅଛି, ବର୍ତ୍ତମାନ ଏହି ସୁବିଧା ସହିତ ଦିଲ୍ଲୀର ଗରିବ ଲୋକମାନେ ମଧ୍ୟ ବିଶୁଦ୍ଧ ଜଳ ପାଇବେ।’ କେଜ୍ରିୱାଲ ଏବଂ ଦିଲ୍ଲୀ ଜଳ ବୋର୍ଡର ଉପାଧ୍ୟକ୍ଷ ତଥା ଜଳ ମନ୍ତ୍ରୀ ସୈାରଭ ଭରଦ୍ୱାଜ ମଧ୍ୟ ଆରଓ ପ୍ଲାଣ୍ଟରୁ ଶୁଦ୍ଧ ଜଳ ପିଇଥିଲେ। ସରକାରୀ ବିବୃତ୍ତି ଅନୁଯାୟୀ, ଖଜାନ ବସ୍ତି ପ୍ଲାଣ୍ଟରେ ତିନି ହଜାର ଲିଟର ଦୁଇଟି ଟ୍ୟାଙ୍କ ଲଗାଯାଇଛି।
