ପଶ୍ଚିମବଙ୍ଗ: ନିଜ ସାଙ୍ଗକୁ ମିଶି କଲେ ହତ୍ୟା । ତିନିଜଣ ନାବାଳକ ମିଶି ସେମାନଙ୍କ ୧୪ ବର୍ଷର ସାଙ୍ଗକୁ କମ୍ପ୍ୟୁଟର କିଣିବା ପାଇଁ ଅପହରଣ ପରେ ହତ୍ୟା କରିଥିବା ନେଇ ଆସିଛି ସାଙ୍ଘାତିକ ଅଭିଯୋଗ । ପଶ୍ଚିମବଙ୍ଗର ନାଦିଆ ଜିଲ୍ଲାର କ୍ରୀଷ୍ଣାନଗର ଘୁରନି ଅଞ୍ଚଳରେ ଘଟିଛି ଏହି ଛାତିଥରା ଘଟଣା। ସବୁଠାରୁ ଆଶ୍ଚର୍ୟ୍ୟର କଥା କି, ମାରିବା ପୂର୍ବରୁ ନିଜ ସାଙ୍ଗର ଶେଷ ଇଚ୍ଛା ପୂରଣ କରିଥିଲେ ଏହି ଦଗାବାଜ୍ ସାଙ୍ଗମାନେ । ରସଗୋଲା ଖୁଆଇବା ସହ କୋଲ୍ଡ ଡ୍ରିଙ୍କସ୍ ପିଇବାକୁ ଦେଇଥିଲେ । ଏହାପରେ ଗଳା କାଟି କରିଥିଲେ ହତ୍ୟା ।
ତେବେ ସୂଚନା ଥାଉକି କି, ଏକ ଅଖା ଭିତରେ ବନ୍ଧା ହୋଇଥିବା ମୃତଦେହ ଗତ ଶନିବାର ଦିନ କ୍ରୀଷ୍ଣାନଗର ସହର ଉପକଣ୍ଠ ହିଜୁଲି ଅଞ୍ଚଳର ଏକ ପୋଖରୀରୁ ଉଦ୍ଧାର କରାଯାଇଥିଲା । ଏହାପରେ ତଦନ୍ତ ଆରମ୍ଭ କରିଥିଲା ପୋଲିସ୍ । ତଦନ୍ତ ପରେ ପ୍ରକୃତ ଘଟଣା ସାମ୍ନାକୁ ଆସିଥିଲା । ଗେମ୍ ଖେଳିବା ପାଇଁ କମ୍ପ୍ୟୁଟର ଦରକାର ଥିଲା ତିନି ସାଙ୍ଗଙ୍କୁ । ଯେଉଁଥିବା ତିନି ନାବାଳକ ମିଶି ରଚିଥିଲେ ଷଡଯନ୍ତ୍ର । ସେମାନେ ନିଜର ଆଉ ଏକ ସାଙ୍ଗକୁ ପ୍ରଥମେ ଅପହରଣ କରିଥିଲେ ଏବଂ ଅପହରଣ ପରେ ହତ୍ୟା କରିଥିଲେ । ପୋଲିସ୍ ତିନି ନାବାଳକଙ୍କୁ କାବୁ କରି ଗତ ରବିବାର କ୍ରୀଷ୍ଣାନଗରର ଜୁଭେନାଲ୍ କୋର୍ଟରେ ହାଜର କରିଥିଲା।
