ନୂଆଦିଲ୍ଲୀ : ସର୍ବଦଳୀୟ ପ୍ରତିନିଧି ଦଳରେ ସାମିଲ ହେବେନି ୟୁସୁଫ ପଠାନ । ବିଦେଶ ଗସ୍ତରେ ଉପଲବ୍ଧ ହେବେ ନାହିଁ ବୋଲି କହିଥିବା ସୂଚନା । ଏ ନେଇ ୟୁସୁଫ ପଠାନ ସର୍ବଦଳୀୟ ଟିମକୁ ଜଣାଇଥିବା ସୂଚନା । ସାଂସଦ ସଞ୍ଜୟ ଝାଙ୍କ ନେତୃତ୍ୱାଧୀନ ଟିମରେ ଅଛନ୍ତି ୟୁସୁଫ । ପାକିସ୍ତାନର ମିଛକୁ ପର୍ଦ୍ଦାଫାସ କରିବା ପାଇଁ ଭାରତର ସାଂସଦଙ୍କ ପ୍ରତିନିଧିମଣ୍ଡଳୀକୁ ପଠାଇବାକୁ ନିଷ୍ପତ୍ତି ନେଇଛନ୍ତି । ଏଥିରେ ଭାରତୀୟ ଜନତା ପାର୍ଟି ଓ କଂଗ୍ରେସ ନେତାଙ୍କ ବ୍ୟତୀତ ଅନ୍ୟ ପାର୍ଟିର ନେତା ସାମିଲ ରହିଛନ୍ତି । ଆତଙ୍କବାଦୀ ଦେଶ ପାକିସ୍ତାନ ବିପକ୍ଷରେ ବିମାନ ଆକ୍ରମଣ ପରେ ଭାରତ ଏବେ ରାଜନୈତିକ ଓ କୂଟନୈତିକ ସ୍ତରରେ ଆକ୍ରମଣ ଘୋଷଣା କରିଛି । ସୂଚନା ଅନୁଯାୟୀ, ଭାରତ ସରକାର ସିଧାସଳଖ ସାଂସଦ ୟୁସୁଫ ପଠାନଙ୍କ ସହ ଯୋଗାଯୋଗ କରିଥିଲେ । ସାଂସଦଙ୍କ ପ୍ରତିନିଧିମଣ୍ଡଳରେ ୟୁସୁଫ ପଠାନଙ୍କ ନାମ ସାମିଲ କରିବା ପୂର୍ବରୁ ଟିଏମସି ସହିତ କୌଣସି ପରାମର୍ଶ କରାଯାଇନଥିଲା । ଭାରତ ସରକାର ସିଧାସଳଖ ୟୁସୁଫ ପଠାନଙ୍କ ସହ ଯୋଗାଯୋଗ କରିଥିଲେ । ଏବେ ପଠାନ ଭାରତ ସରକାରଙ୍କୁ ଜଣାଇଛନ୍ତି ଯେ, ସେ ପ୍ରତିନିଧିମଣ୍ଡଳୀ ସହିତ ବିଦେଶ ଯିବା ପାଇଁ ଉପଲବ୍ଧ ହେବେ ନାହିଁ । ଏଥିପାଇଁ ତାଙ୍କ ପାଖରେ ସମୟ ନାହିଁ । ଏହାସହ ତାଙ୍କୁ ଏହି ଟିମରେ ସାମିଲ କରିବା ନେଇ, ପୂର୍ବରୁ କୌଣସି ପ୍ରକାର ଯୋଗାଯୋଗ କରାଯାଇନଥିଲା ବୋଲି କହିଛନ୍ତି ୟୁସୁଫ ପଠାନ ।
