ନୁଆଦିଲ୍ଲୀ ; ବହୁ ବର୍ଷର ରିଲେସନସିପ ପରେ ଏବେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ସାଉଥ ସୁପରଷ୍ଟାର ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଦାନା । ବର୍ତ୍ତମାନ ସେମାନଙ୍କର ନିର୍ବନ୍ଧ ସରିଯାଇଥିବା ଜଣାପଡିଛି । ରଶ୍ମିକା ଏବଂ ବିଜୟ ଅକ୍ଟୋବର ୩ ତାରିଖରେ ନିର୍ବନ୍ଧ କରିଥିଲେ । ଏହି ନିର୍ବନ୍ଧରେ କେବଳ ପରିବାର ଏବଂ ସମ୍ପର୍କୀୟ ଲୋକମାନେ ସାମିଲ୍ ହୋଇଥିଲେ । କିନ୍ତୁ ନିର୍ବନ୍ଧର କୌଣସି ଫଟୋ ଏପର୍ୟ୍ୟନ୍ତ ଦେଖିବାକୁ ମିଳିନାହିଁ । ତଥାପି ସେମାନେ ୨୦୨୬ ଫେବୃଆରୀରେ ସେମାନେ ବିବାହ କରିବେ ବୋଲି ସୂଚନା ମିଳୁଛି । ଏହି ଖବର ବ୍ୟାପିବା ପରେ ସେମାନଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଯଦି ସେମାନଙ୍କ ଫିଲ୍ମ କ୍ୟାରିୟର କଥା କୁହାଯାଏ ତେବେ ସେମାନେ ଏକାଠି ଅନେକ କାମ କରିଛନ୍ତି । ସେମାନେ ଗୀତା ଗୋବିନ୍ଦମ୍ ଏବଂ ଡିୟର କମ୍ରେଡ୍ ଭଳି ଫିଲ୍ମରେ ଏକାଠି କାମ କରିଛନ୍ତି ।
