ନୂଆଦିଲ୍ଲୀ : ସରିଲା ପ୍ରତିରକ୍ଷା ମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ । ସିଡିଏସଙ୍କ ସହ ୨ ଘଣ୍ଟା ଧରି ଆଲୋଚନା । ୩ ସେନା ମୁଖ୍ୟ ମଧ୍ୟ ଉପସ୍ଥିତ ଥିଲେ । ଅପରେସନ ସିନ୍ଦୂର ବାବଦରେ ଅବଗତ କଲେ ସ୍ଥଳ ସେନା ମୁଖ୍ୟ । ବାୟୁସେନାର କାର୍ଯ୍ୟାନୁଷ୍ଠାନ ନେଇ ଅବଗତ କଲେ ବାୟୁସେନା ମୁଖ୍ୟ । ପାକିସ୍ତାନର ଆକ୍ରମଣ ଓ ଭାରତର ପାଲଟା ଜବାବ ଉପରେ ବୈଠକରେ ଚର୍ଚ୍ଚା ହୋଇଛି । ସ୍ଥିତି ସମ୍ପର୍କରେ ସୂଚନା ଦେଇଛନ୍ତି ସେନା ମୁଖ୍ୟ ଉପେନ୍ଦ୍ର ଦ୍ବିବେଦୀ । ଏହା ସହ ବାୟୁସେନା ତରଫରୁ ନିଆଯାଇଥିବା କାର୍ୟ୍ୟାନୁଷ୍ଠାନର ବିବରଣୀ ଦେଇଛନ୍ତି ଏୟାରଫୋର୍ସ ମୁଖ୍ୟ ଚିଫ ମାର୍ସଲ ଏସପି ସିଂ । ପ୍ରତିରକ୍ଷାମନ୍ତ୍ରୀ ରାଜନାଥ ସିଂହଙ୍କ ସହ କଥା ହୋଇଛନ୍ତି ପ୍ରଧାନମନ୍ତ୍ରୀ । ସ୍ଥିତି ସମ୍ପର୍କରେ ପଚାରି ବୁଝିଛନ୍ତି ମୋଦି ।
