ମୋହନା : ସରକାରୀ କ୍ୱାଟର୍ସରୁ ମିଳିଲା ଫାର୍ମାସିଷ୍ଟଙ୍କ ମୃତଦେହ । ଗଜପତି ଜିଲ୍ଲା ଖଜୁରୀପଦା ସଅତିତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଷ୍ଟାଫ କ୍ୱାଟର୍ସରୁ ୧୦୮ ଆମ୍ବୁଲାନ୍ସ ଫାର୍ମାସିଷ୍ଟଙ୍କ ମୃତଦେହ ଉଦ୍ଧାର କରାଯାଇଛି . ମୃତକ ହେଲେ ଗଣେଶ ବେହେରା । ସୂଚନା ଅନୁସାରେ ଗତକାଲି ଗଣେଶ ରାତି ପ୍ରାୟ ୯ଟା ସମୟରେ ଡ୍ୟୁଟି ସାରି ରହୁଥିବା ସରକାରୀ ବାସଭବନକୁ ଆସିଥିଲେ । ଆଜି ସକାଳେ ସହକର୍ମୀ ମାନେ ଗଣେଶ ରହୁଥିବା କ୍ୱାର୍ଟର୍ସର କବାଟ ବାଡେଇଥିଲେ । ଭିତର ପଟୁ କବାଟ ନ ଖୋଲିବାରୁ କବାଟକୁ ଭାଙ୍ଗି ଦେଖିବା ବେଳେ ଗଣେଶଙ୍କୁ ଝୁଲନ୍ତା ଅବସ୍ଥାରେ ଦେଖିଥିଲେ । ଖବର ପାଇ ଖଜୁରୀପଦା ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି। ପ୍ରେମ ବ୍ୟାପାରକୁ ନେଇ ଏହି ଘଟଣା ଘଟିଥିବା ସନ୍ଦେହ କରାଯାଉଛି ।
