ବଡ଼ବିଲ : ବାପା ଓ ପୁଅକୁ ସଂଘବଦ୍ଧ ଆକ୍ରମଣ । ଏପରି ଘଟଣା ଘଟିଛି କେନ୍ଦୁଝର ଜିଲ୍ଲା ଯୋଡ଼ାରେ । ଏହି ଆକ୍ରମଣରେ ପୁଅଙ୍କର ମୃତ୍ୟୁ ହୋଇଥିବା ବେଳେ ବାପା ଗୁରୁତର ହୋଇଛନ୍ତି । ବାପାଙ୍କୁ ଗୁରୁତର ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ, ଶନିବାର ବିଳମ୍ବିତ ରାତିରେ କେନ୍ଦୁଝର ଜିଲ୍ଲା ଯୋଡ଼ାରେ ଏପରି ଅଭାବନୀୟ ଘଟଣା ଘଟିଛି । ତେବେ ପୂର୍ବ ଗଣ୍ଡଗୋଳକୁ କେନ୍ଦ୍ର କରି ଜଣଙ୍କୁ ହତ୍ୟା କରିଛନ୍ତି ଦୁର୍ବୃତ୍ତ । ମୃତକ ଯୋଡ଼ା ବାଚୁ ହଟିଂର ନେପାଳ ତନ୍ତୀ ବୋଲି ଜଣାପଡିଛି । ନେପାଳ ନାଁରେ ଅନେକ ଅପରାଧୀକ ମାମଲା ରହିଥିବା ସୂଚନା ମିଳିଛି । ଯୋଡା ପୋଲିସ ଘଟଣାସଂପର୍କରେ ତଦନ୍ତ ପ୍ରକ୍ରିୟା ଆରମ୍ଭ କରିଛି ।
