ମୁମ୍ବାଇ : ଭକ୍ତିଭାବରେ ଲୀନ ହେଲେ ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ । କ୍ୟାଟ୍ରିନା ସିରିଡି ସାଇ ଏବଂ ମହାକୁମ୍ଭରେ ବୁଡ଼ ପକାଇବା ପରେ ଏବେ କର୍ଣ୍ଣାଟକର ଶ୍ରୀ ସୁବ୍ରମଣ୍ୟମ୍ ମନ୍ଦିରରେ ପହଞ୍ଚିଛନ୍ତି । ଏଠାରେ ପହଞ୍ଚି ସର୍ପ ସଂସ୍କାର ପୂଜା କରିଛନ୍ତି । ୫ ଘଣ୍ଟା ଧରି କ୍ୟାଟ୍ରିନା ପୂଜା କରିଥିଲେ । ମହାକୁମ୍ଭରୁ ଫେରିବା ପରେ କର୍ଣ୍ଣାଟକର ଶ୍ରୀ ସୁବ୍ରମଣ୍ୟମ୍ ମନ୍ଦିରରେ ପହଞ୍ଚି ଦର୍ଶନ କରିଥିଲେ କ୍ୟାଟ୍ରିନା । କ୍ୟାଟ୍ରିନା ନିଜ ସାଙ୍ଗମାନଙ୍କ ସହ ମନ୍ଦିର ପରିଦର୍ଶନ ପାଇଁ ଯାଇଥିଲେ । ପୂଜାର୍ଚ୍ଚନା ପାଇଁ ସାଙ୍ଗମାନଙ୍କ ସହ ଗେଷ୍ଟହାଉସରେ ରହିଥିଲେ । ମନ୍ଦିରରେ ପହଞ୍ଚି ୨ରୁ ୩ଦିନ ପର୍ୟ୍ୟନ୍ତ ପୂଜାର୍ଚ୍ଚନାରେ ନିଜକୁ ବ୍ୟସ୍ତ ରଖିଥିଲେ କ୍ୟାଟ୍ରିନା । ସେଠାରେ ପହଞ୍ଚି ‘ସର୍ପ ସଂସ୍କାର ପୂଜା ’ ପାଇଁ ଆୟୋଜନ କରିଥିଲେ । ୫ଘଣ୍ଟା ଧରି କ୍ୟାଟ୍ରିନାଙ୍କ ଭକ୍ତିଭାବ ପୂର୍ଣ୍ଣ ପୂଜାର୍ଚ୍ଚନାର ଦୃଶ୍ୟ ଦେଖିବାକୁ ମିଳିଥିଲା ।
