ଉଦଳା : ସାପ କାମୁଡାରେ ଛୋଟ ପୁଅ ମୃତ, ମାଆ ଗୁରୁତର । ଶରତ ଥାନା କଟୁରିଆ ଗାଁରେ ଘଟିଛି ଏହି ଦୁଃଖ ଦାୟକ ଘଟଣା । ଶୋଇଥିବା ବେଳେ କାମୁଡିଲା ସାପ । ମାଆକୁ ଗୁରୁତର ଅବସ୍ଥାରେ ବାରିପଦାକୁ ସ୍ଥାନାନ୍ତର । ସୂଚନା ଅନୁଯାୟୀ , ଗତକାଲି ରାତିରେ ମିନତୀ ନିଜ ଦେଢ ବର୍ଷର ଶିଶୁପୁତ୍ରକୁ ଧରି ଘରେ ଶୋଇଥିଲେ। ବିଳମ୍ବିତ ରାତିରେ ଏକ ଚିତି ସାପ ଘରେ ପଶି ଦୁଇ ଜଣଙ୍କୁ କାମୁଡ଼ି ଦେଇଥିଲା। ମିନତୀଙ୍କ ସ୍ୱାମୀ ମାଆ ଓ ପୁଅ ଦୁଇ ଜଣଙ୍କୁ ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ଡାକ୍ତରଖାନାରେ ଶିଶୁପୁତ୍ରର ମୃତ୍ୟୁ ହୋଇଥିବା ବେଳେ ମା ମିନତୀଙ୍କ ଅବସ୍ଥା ଗୁରୁତର ହୋଇପଡିଥିଲା। ପ୍ରାଥମିକ ଚିକିତ୍ସା ପରେ ମିନତୀଙ୍କୁ ବାରିପଦା ଡାକ୍ତରଖାନା ସ୍ଥାନାନ୍ତର କରାଯାଇଛି ।
