ବ୍ୟୁରୋ : କନ୍ଦମୂଳରେ ପୋଷକ ତତ୍ତ୍ୱ କଥା କହିଲେ ଏଥିରେ କ୍ୟାଲସିୟମ, ଆଇରନ, ମାଗ୍ନେସିୟମ, ଫସଫରସ୍, ପୋଟାସିୟମ ଓ ସୋଡିୟମ ଅଧିକ ମାତ୍ରାରେ ରହିଥାଏ । ଏଥିରେ ଜିଙ୍କ ମଧ୍ୟ ରହିଛି । ଏହି ସବୁ ପୋଷକ ତତ୍ତ୍ୱ ଶିଶୁମାନଙ୍କ ପାଇଁ ନିହାତି ଜରୁରୀ ।ଆଖି ପାଇଁ ଏହା ଲାଭକାରୀ ହୋଇଥାଏ । ଶିଶୁଙ୍କର ଭିଟାମିନ ଏ ଅଭାବ ଯୋଗୁଁ ଆଖି ସମସ୍ୟା ହୋଇଥାଏ । ତେଣୁ ଏହାକୁ ଖାଇବା ଦ୍ୱାରା ସେହି ସମସ୍ୟା ଦୂର ହୋଇଥାଏ ।କନ୍ଦମୂଳ ଶିଶୁମାନଙ୍କ ଶାରୀରିକ ବିକାଶ କରିବାରେ ସହାୟକ ହୋଇଥାଏ । ଏହାର ପୋଷକତତ୍ତ୍ୱ ପ୍ରତ୍ୟେକ ଅଙ୍ଗକୁ ବିକାଶ କରିବାରେ ସାହାଯ୍ୟ କରେ ।କବ୍ଜ ସମସ୍ୟାକୁ ମଧ୍ୟ ଦୂର କରିଥାଏ । ଏଥିରେ ଡାଏଟାରୀ ଫାଇବର ରହିଥାଏ । ଏହାକୁ ଛୋଟ ପିଲା ଖାଇବା ଦ୍ୱାରା ସେମାନଙ୍କ କବ୍ଜ ସମସ୍ୟା ଦୂର ହୁଏ ।ଏଥିରେ ଷ୍ଟାର୍ଚ ଏବଂ ଭିଟାମିନ୍ସ ଭରପୂର ରହିଥାଏ । ଯାହା ଶିଶୁକୁ ଏନର୍ଜିଟିକ କରିଥାଏ । ତେଣୁ ଏହାକୁ ସୁପରଫୁଡ କୁହାଯାଏ ।
