ଭୁବନେଶ୍ୱର : ବିଧାନସଭା ଚାଲୁଥିବା ବେଳେ ରାଜଧାନୀରେ ଦାବି ପୂରଣ ପାଇଁ ଗର୍ଜୁଛନ୍ତି ବିଭିନ୍ନ ସଂଗଠନ । ଆଶା ଓ ପାଚିକାଙ୍କ ନାରାବାଜିରେ କମ୍ପୁଛି ଲୋୟର ପିଏମଜି । ୩ ଦିନ ହେଲା ହଜାର ହଜାର ସଂଖ୍ୟାରେ ପାଚିକା ଓ ଆଶାକର୍ମୀ ଏକାଠି ହୋଇ ଚଳାଇଛନ୍ତି ଆନେ୍ଦାଳନ । ଖୋଲା ଆକାଶ ତଳେ ଦିନ ରାତି କରୁଛନ୍ତି ଗର୍ଜନ । ଦାବି ପୂରଣ ନ ହେବା ଯାଏଁ ଭୂବନେଶ୍ୱର ଛାଡି ନ ଯିବାକୁ ନେଇଛନ୍ତି ନିଷ୍ପତ୍ତି । ପାଚିକା ମାନଙ୍କର ଦାବି ରହିଛି ମାସକୁ ୨୬ ହଜାର ଦରମା ସହ , ୧୦ ମାସ ବଦଳରେ ୧୨ ମାସ ଦରମା ପ୍ରଦାନ , ସରକାରୀ ମାନ୍ୟତା ଦାବି , ବର୍ଷକୁ ଦୁଇ ହଳ ଶାଢୀ, ଛୁଟି ପ୍ରଦାନ କରିବା । ଆପଣ ଲୋୟର ପିଏଜିର ଚିତ୍ର ଦେଖୁଛନ୍ତି । ଯେଉଁଠି ଦାବି ପୂରଣ ପାଇଁ ହଜାର ହଜାର ପାଚିକା ଏକତ୍ରିତ ହୋଇଛନ୍ତି । ଦାବି ପୂରଣ ନ ହେଲେ ଆନେ୍ଦାଳନ ଆହୁରୀ ତୀବ୍ର ହେବ ବୋଲି ଚେତାବନୀ ଦେଇଛନ୍ତି ।
